Read Hmar 1 CHANCHIN SUINA 3 Bible Online

1 CHANCHIN SUINA 3 - Hmar bible

1 CHANCHIN SUINA 3

¹Hienghai hi David naupasalhai Hebrona pienghai chu an nih: nau lutîr Amnon, Jezreel mi Ahinoam inei, a pahnina, Daniel, Karmel mi Abigail inei;

²a pathumna, Absalom, Gesur lal Talmai naunu Maaka naupa chu; a palina, Haggith naupa Adonija;

³a pangana, Abital inei Sephatia; a parukna, a nuhmei Egla inei Ithream chu.

⁴Hebrona chun paruk an piengpêk a; chun, chutaka ma chun kum sari le thla ruk sûng ro a rêl a, chun, Jerusalema chun kum sâwmthum le kum thum a rêl a.

⁵Chun, hienghai hi Jerusalema piengpêkhai chu an nih; Ammiel naunu Bathsua inei pali; Simea hai, Sobab hai, Nathan hai, Solomon hai hi;

⁶chun, Ibhar hai, Elisama hai, Eliphelet hai;

⁷Noga hai, Nepheg hai, Japhia hai;

⁸chun, Elisama hai, Eliada hai, Eliphelet hai, an rêngin pakuo.

⁹A thaikêmhai naupasalhai tiem lovin hienghai po hi David naupasalhai chu an na; an farnu chu Tamar a nih.

¹⁰Chun, Solomon naupa chu Rehoboam a na, ama naupa chu Abija a na; ama naupa chu Asa a na, ama naupa chu Jehosaphat a na;

¹¹ama naupa chu Joram a na, ama naupa chu Ahazia a na; ama naupa chu Joas a na,

¹²Ama naupa chu Amazia a na; ama naupa chu Azaria a na; ama naupa chu Jotham a na;

¹³ama naupa chu Ahaz a na, ama naupa chu Hezekiah a na, ama naupa chu Manasse a na;

¹⁴ama naupa chu Amon a na, ama naupa chu Josia a nih,

¹⁵Chun, Josia naupasalhai chu, a upa tak chu Johanan a na, a pahnina chu Jehoiakim a na, a pathumna chu Zedekia a na, a palina chu Sallum a nih.

¹⁶Chun, Jehoiakim naupasalhai chu Jekonia le Zedekia an nih.

¹⁷Chun, Jekonia, suok intâng, naupasalhai chu: a naupa Sealtiel,

¹⁸Malkiram, Pedaia, Senazar, Jekamia, Hosama le Nedabia an nih.

¹⁹Chun, Pedaia naupasalhai chu: Zerubbabel le Simei; chun, Zerubbabel naupasalhai chu: Mesullam le Hanania an na, an farnu chu Selomith a nih;

²⁰chun, Hasuba, Ohel, Berekia, Hasadia le Jusab-hesed, panga an nih.

²¹Chun, Hanania naupasalhai chu: Pelatia le Jesaia: Rephaia naupasalhai, Arnan naupasalhai, Obadia naupasalhai, Sekania naupasalhai hi.

²²Chun, Sekania naupasalhai chu: Semaia, chun, Semaia naupasalhai chu: Hattus, Igal, Baria, Nearia le Saphat, paruk an nih.

²³Chun, Nearia naupasalhai chu Elioenai, Hizkia le Azrikam, pathum an nih.

²⁴Chun, Elioenai naupasalhai chu Hodavia, Eliasib, Pelaia, Akkub, Johanan, Delaia le Anani, pasari an nih.