Read Hmar 1 CHANCHIN SUINA 4 Bible Online

1 CHANCHIN SUINA 4 - Hmar bible

1 CHANCHIN SUINA 4

¹Juda naupasalhai chu: Perez, Hezron, Karmi, Hur le Sobal an nih.

²Chun, Sobal naupa Reaia chun Jahath a nei a; Jahath chun Ahumai le Lahad a nei a. Hienghai hi Zorath sûngkuohai chu an nih.

³Chun, hieng hi Etam pa naupasalhai chu an nih: Jezreel, Isma le Idbas hi; chun, an farnu hming chu Hazzelelponi a nih;

⁴Gedor pa Penuel le Husa pa Ezer. Chun, hienghai hi Hur, Beth-lehem pa Ephratha nau lutîr, naupasalhai chu an nih.

⁵Chun, Tekoa pa Ashhur chun nuhmei pahni: Hela le Naara chu a nei a.

⁶Naara chun Ahuzzam, Hepher, Temeni le Haahastari a neipêk a. Hienghai hi Naara naupasalhai chu an nih.

⁷Chun, Hela naupasalhai chu: Zereth, Izhar, le Ethnan hi an nih.

⁸Hakkoz chun Anub, Zobeba le Harum naupa Aharhel sûngkuohai chu a nei a.

⁹Chun, Jabez chu a unauhai nêkin inza a kai lem a, a nu chun, “Lungngaina puma ka nei a na,” tiin a hminga chun Jabez ân bûk a nih.

¹⁰Jabez chun Israel Pathien chu, “Ka lungngai nawna dinga thil ṭhanawa inthawka mi vêngin, i kut chu ka chunga a um theina dingin, nangin mal mi hung sâwmin, ka ramrihai chu hung suklien ngei i tih,” tiin a ko a. Pathien chun a hni chu a phalpêk ta a.

¹¹Chun, Kelub, Suha unaupa chun Mehir a nei a; ama chu Eston pa a nih.

¹²Eston chun Beth-rapha, Pasea le Irnahas pa Tehinna chu a nei a. Hienghai hi Reka mihai chu an nih.

¹³Kenaz naupasalhai chu: Othniel le Seraia; chun, Othniel naupasalhai chu: Hathath le Meonothai[1] an nih.

¹⁴Meonothai chun Ophra a nei a; Seraia chun Geharasim[2] pa Jakob chu a nei a; anni chu mi themthiem mi an nih.

¹⁵Chun, Jephunne naupa Kaleb naupasalhai chu: Iru, Ela le Naam an nih; Ela naupasal hai le Kenaz a nih.

¹⁶Chun, Jehallelel[3] naupasalhai chu: Ziph, Zipha, Tiria le Asarel an nih.

¹⁷Ezra naupasalhai chu: Jether, Mered, Epher le Jalon an nih; hienghai hi Pharao naunu Mared nuhmei Bithia naupasalhai chu an nih; chun, Miriam, Sammai le Isba, Estemoa pa chu a nei bawk a.

¹⁸Chun, a nuhmei Hajehudijah chun Gedor pa Jared le Soko pa Heber le Janoa pa Jekuthiel chu a nei a.

¹⁹Chun, Naham farnu Hodia naupasalhai chu: Garmi mi Keila pa le Maakath mi Estemoa chu an nih.

²⁰Simon naupasalhai chu: Amnon, Rina, Ben-hanan le Tilon an nih. Chun, Isi naupasalhai chu: Zoheth le Ben-zoheth an nih.

²¹Chun, Juda naupa Sela naupasalhai chu: Leka pa Era le, Maresa pa Laada le, Asbea sûngkuo, puon zai inhmi khâwngtuhai sûngkuohai po po chu an nih;

²²Chun, Jokim le Kozeba mihai le Joas le Moab rama ram neitu Saraph hai le, Jasubi-lehem hai leh an nih. Hienghai hi thu hlui an nih.

²³Hienghai hi bêlhemtu Netaim le Gederaa um hai chu an nih: chutaka chun a sinthaw dingin lal kuomah an um a nih.

²⁴Simeon naupasalhai chu: Nemuel, Jamin, Jarib, Zera le Saul an nih:

²⁵ama naupa Sallum, ama naupa Mibsam, ama naupa Misma.

²⁶Misma naupasal chu: Hamuel, ama naupa Zakkur, ama naupa Simei.

²⁷Simei chun naupasal sâwm le paruk le naunuhmei paruk a nei a; amiruokchu, a unauhai chun nau an hau ve nawh a, Juda thlahai angin an sûngkuo khawm chu an inthla pung rak nawh a.

²⁸Anni chu Beer-seba le Molada le Hazar-sualah an um a,

²⁹chun, Bilha, Ezem, Tolad,

³⁰Bethuel, Hormah, Ziklag,

³¹Beth-markoboth, Hazar-susimah, Beth-biriah, Saaraima leh an um bawk a. Hienghai po po hi David rorêl chen khan an khawpuihai an nih.

³²Chun, an khawperhai chu: Etam, Ain, Rimmon, Token le Asan, khaw panga hi an nih; Baal chena a vêla an khuohai po po le chun.

³³Hieng hi an umna hmunhai chu a na; chun, thlatu thu ziekna khawm an nei bawk a.

³⁴Mesobab le Jamlek le Amazia naupa Josa;

³⁵chun, Joel Asiel naupa, Seraia naupa, Josibia naupa Jehu chu:

³⁶Elioenai, Jaakoba, Jesohaia, Asaia, Adiel, Jesimiel le Benaia leh;

³⁷Chun, Semaia naupa, Simri naupa, Jedaia naupa, Allon naupa, Siphi naupa Ziza;

³⁸hieng an hming hrila umhai hi an pahnama hotuhai an na; an pahnam sûngkuohai chu nasataka sukpungin an um a.

³⁹An ran ruolhai ta ding tlatna hmun zawngin phai ruom saktieng pang. Gedor lûtna chen khan an va fe a.

⁴⁰Chuongchun, ran ruol tlatna ding hmun ṭhatak le fâk ding tamna hmun chu an va hmu a, ram chu a lienin muong a umin, a re bawk a; chu rama lo um hmasatuhai chu Ham thlahai chu an nih.

⁴¹Chun, hieng an hming ziekhai hi Juda lal Hezekia hun laiin an hung lût a, an puon inhai an suksiet a, chutaka Meunim le chun; chuongchun, tu chena hin suksiet letdêrin an um a; anni chu an hmuna chun an ran ruol ta dingin tlatna hmun ṭha a um bawk leiin an um ta a.

⁴²Chun, anni ṭhenkhat Simeon thlahai, mi za nga zet chu Seir tlângah an hang fe a, anni chun an hotuah Pelatia, Nearia, Rephaia le, Isi naupa Uzziel chu an hmang a.

⁴³Chun, Amalek mi lo tlânsuok a la mahlahai chu an that a, an hmuna chun vawisûn ni chen hin an um ta a.