Read Hmar 1 CHANCHIN SUINA 6 Bible Online

1 CHANCHIN SUINA 6 - Hmar bible

1 CHANCHIN SUINA 6

¹Levi naupasalhai chu: Gerson, Kohath le Merari.

²Kohath naupasalhai chu: Amram, Izhar, Hebron le Uzziel an nih.

³Amram nauhai chu: Aron, Mosie le Miriam. Aron naupasalhai chu: Nadab, Abihu, Eleazar le Ithamar an nih.

⁴Eleazar chun Phinehas a nei a, Phinehas chun Abisua a nei a;

⁵Abisua chun Bukki a nei a; Bukki chun Uzzi a nei a;

⁶Uzzi chun Zerahia a nei a, Zerahia chun Meraioth a nei a;

⁷Meraioth chun Amaria a nei a; Amaria chun Ahitub a nei a;

⁸Ahitub chun Zadok a nei a; Zadok chun Ahimaaz a nei a;

⁹Ahimaaz chun Azaria a nei a; Azaria chun Johanan a nei a;

¹⁰Johanan chun Azaria a nei a, (Jerusalema Solomon a in bâwla thiempu sinthaw ding tira um kha a nih).

¹¹Azaria chun Amaria a nei a, Amaria chun Ahitub a nei a;

¹²Ahitub chun Zadok a nei a, Zadok chun Sallum a nei a;

¹³Sallum chun Hilkia a nei a, Hilkia chun Azaria a nei a;

¹⁴Azaria chun Seraia a nei a, Seraia chun Jehozadak a nei a;

¹⁵Jehozadak chu sala ṭhuoiin a um a, Nebukadnezzar kuta LALPAIN Juda le Jerusalem ân ṭhuoi hmangtir lai khan.

¹⁶Levi naupasalhai chu: Gerson, Kohath le Merari an nih.

¹⁷Chun, hienghai hi Gerson naupasalhai hming chu a nih: Libni le Simei hi.

¹⁸Kohath naupasalhai chu: Amram, Izhar, Hebron le Uzziel an nih.

¹⁹Merari naupasalhai chu: Mahli le Musi. Hieng hi an pahnam ang peia Levi hnam sûngkuohai chu an nih.

²⁰Gerson naupa chu Libni a na, ama naupa chu Jahath, ama naupa chu Zimma,

²¹ama naupa chu Joa, ama naupa chu Iddo, ama naupa chu Zera, ama naupa chu Jeatherai.

²²Kohath naupasalhai chu, Amminadab. Ama naupa chu Kora, ama naupa chu Assir,

²³ama naupa chu Elkana, ama naupa chu Ebiasaph, ama naupa chu Assir a na;

²⁴ama naupa chu Tahath, ama naupa chu Uriel, ama naupa chu Uzzia, ama naupa chu Saul.

²⁵Chun, Elkana naupasalhai chu: Amasai le Ahimoth.

²⁶Elkana thua chun, Elkana naupasalhai chu: ama naupa Zophai, ama naupa Nahath;

²⁷ama naupa Eliab, ama naupa Jeroham, ama naupa Elkana.

²⁸Samuel naupasalhai chu: nau lutîr chu Joel, a pahnina Abija.

²⁹Merari naupasalhai chu: Mahli, ama naupa Libni, ama naupa Simei, ama naupa Uzza;

³⁰ama naupa Simea, ama naupa Haggia, ama naupa Asaia.

³¹Chun, Pathien bâwm chu a um ṭawk ṭawk hnunga, LALPA ina hla tienga rawngbâwla Davidin a siehai chu hienghai hi an nih.

³²Chuongchun, Jerusalem khuoa Solomonin LALPA in a bâwl hmakhat khan, inkhâwmna puon in biekbûk tuola chun hlain rawng an bâwl hlak a; an indawt ang peiin an rawngbâwl hun chu an nghâk hlak a.

³³Chun, hienghai hi a thawktu zinghai le an naupasalhai chu an nih. Kohath mi naupasalhai chu: hla sak mi Heman, Joel naupa, Samuel naupa chu;

³⁴Elkana naupa, Jeroham naupa, Eliel naupa, Toa naupa;

³⁵Zuph naupa, Elkana naupa, Mahath naupa, Amasai naupa;

³⁶Elkana naupa, Joel naupa, Azaria naupa, Zephania naupa;

³⁷Tahath naupa, Assir naupa, Ebiasaph naupa, Kora naupa;

³⁸Izhar naupa, Kohath naupa, Levi naupa, Israel naupa a nih.

³⁹Chun, a unaupa Asaph chu a changtienga ngîr hlak a na, chu Asaph ngei chu Berekia naupa a nih; Simea naupa;

⁴⁰Mikael naupa, Baaseia naupa, Malkija naupa;

⁴¹Ethni naupa, Zera naupa, Adaia naupa,

⁴²Ethan naupa, Zimma naupa, Simei naupa a nih.

⁴³Jahath naupa, Gerson naupa, Levi naupa a nih.

⁴⁴Chun, vawitienga chun an unau Merari naupasalhai chu: Kisi naupa Ethan, Abdi naupa, Malluk naupa,

⁴⁵Hasabia naupa, Amazia naupa, Hilkia naupa;

⁴⁶Amzi naupa, Bani naupa, Semer naupa;

⁴⁷Mahli naupa, Musi naupa, Merari naupa, Levi naupa a nih.

⁴⁸Chun, an unauhai Levi mihai chu Pathien ina biekbûka rawngbâwlna po poa châng ding chun ruot an ni ta a.

⁴⁹Amiruokchu, Aron le a naupasalhai chu, Pathien siehlaw Mosiein thu a lo pêk ta po po ang khan Israelhai ta dinga intlanna siempêk dingin le, hmun inthiengtaka rawngbâwlna po poa ding chun pumrawhmang thilinhlânna maichâm chunga le riminhnik rawna michâm chunga chun thil an inhlân a.

⁵⁰Chun, hienghai hi Aron naupasalhai chu an nih: ama naupa chu Eleazar, ama naupa chu Phinehas, ama naupa chu Abisua;

⁵¹ama naupa chu Bukki, ama naupa chu Uzzi, ama naupa chu Zerahia;

⁵²ama naupa chu Meraioth, ama naupa chu Amaria, ama naupa chu Ahitub;

⁵³ama naupa chu Zadok, ama naupa chu Ahimaaz a nih.

⁵⁴Chun, hieng hi an ram sûnga an riebûk hmun ang peia an umna hmun hai chu a nih: Kohath mi sûngkuo, Aron naupasalhai chu, chan hmasatak chu anni ta a ni leiin,

⁵⁵anni chu Juda rama Hebron le a vêlhai po po le chun pêk an na;

⁵⁶amiruokchu, a khawpui phûl le a khawperhai chu Jephunne naupa Kaleb kuomah an pêk a.

⁵⁷Aron naupasalhai kuoma chun himna khawpui Hebron chu a pêk a; Libna chu a vêl khuohai leh, Jattir le Estemoa, a vêl khuohai leh,

⁵⁸Hilen, a vêl khuohai leh, Debir, a vêl khuohai leh;

⁵⁹Asan, a vêl khuohai leh, Beth-semes, a vêl khuohai leh;

⁶⁰chun, Benjamin hnama inthawk chun; Geba, a vêl khuohai leh, Alemeth, a vêl khuohai leh, Anathoth a vêl khuohai leh. An pahnam po poa an khawpuihai po po chu khuo sâwm le pathum a nih.

⁶¹Chun, Kohath naupasal danghai kuoma chun ṭhumvâwra pêkin, hnam sûngkuo tina inthawk le, hnam zâtvea inthawk, Manasse hnam zâtvea inthawkin khawpui sâwm a nih.

⁶²Gerson naupasalhai kuoma chun an pahnam ang peiin, Issakar hnam chanpuola inthawk le, Aser hnam chanpuola inthawk le, Naphtali hnam chanpuola inthawk le Basana Manasse hnam chanpuola inthawkin khawpui sâwm le pathum an pêk a.

⁶³Merari naupasalhai kuoma chun ṭhumvâwra pêkin, an pahnam ang peiin, Reuben hnam chanpuola inthawk le, Gad hnam chanpuola inthawk le Zebulun hnam chanpuola inthawkin khawpui sâwm le pahni an pêk a.

⁶⁴Chuongchun, Israel thlahai chun Levi mihai chu khawpui le a vêl khuohai chu an pêk a.

⁶⁵Juda hnam chanpuola inthawk dâm, Simeon hnam chanpuola inthawk dâm, Benjamin hnam chanpuola inthawk dâmin hieng khawpui a hming hrila umhai hi, ṭhumvâwra pêk an nih.

⁶⁶Chun, Kohath naupasalhai pahnam ṭhenkhat chun an biel sûnga chun Ephraim hnam chanpuola inthawk dâmin khawpuihai an nei a.

⁶⁷An kuoma Ephraim tlâng rama himna khawpui Sekem chu a vêl khuohai le chun an pêk a; Gezer le a vêl khuohai le khawm chun;

⁶⁸chun, Jokmeam, a vêl khuohai le chun, Beth-horon, a vêl khuohai leh;

⁶⁹Aijalon, a vêl khuohai leh, Gath-rimmon, a vêl khuohai leh;

⁷⁰Manasse hnam zâtve chanpuola inthawk chun: Aner, a vêl khuohai leh, Bileam, a vêl khuohai leh, Kohath naupasalhai pahnam danghai ta dinga pêk a na;

⁷¹Gersom mihai kuoma chun ṭhumvâwrin, Manasse hnam zâtve chanpuola inthawkin Basana Golan chu a vêl khuohai leh pêk a na;

⁷²Issakar hnama inthawkin Kedes, a vêl khuohai leh, Daberath, a vêl khuohai leh;

⁷³Ramoth, a vêl khuohai leh, Anem, a vêl khuohai leh;

⁷⁴chun, Aser hnam chanpuola inthawkin: Masal, a vêl khuohai leh, Abdon, a vêl khuohai leh;

⁷⁵Hukok, a vêl khuohai leh, Rehob, a vêl khuohai leh;

⁷⁶Naphtali hnam chanpuola inthawkin: Galilia Kades, a vêl khuohai leh, Hammon, a vêl khuohai leh, Kiriath-aim, a vêl khuohai leh.

⁷⁷Levi mihai mi dang, Merari naupasalhai kuoma chun Zebulun hnam chanpuola inthawkin Rimmon, a vêl khuohai leh; Tabor, a vêl khuohai leh;

⁷⁸chun, Jordan râla Jeriko vêlah, Jordan saktieng panga chun Reuben hnam chanpuola inthawkin thlalêra Bezer, a vêl khuohai leh pêk an nih; Jahza, a vêl khuohai leh,

⁷⁹Kedemoth, a vêl khuohai leh Mephaath, a vêl khuohai leh;

⁸⁰Gad hnam chanpuola inthawkin Gilead rama Ramoth, a vêl khuohai leh, Mahanaim, a vêl khuohai leh,

⁸¹Hesbon, a vêl khuohai leh, Jazer, a vêl khuohai leh.