Read Hmar 2 CHANCHIN SUINA 2 Bible Online

2 CHANCHIN SUINA 2 - Hmar bible

2 CHANCHIN SUINA 2

¹Chun, Solomon chun LALPA hmingin in le, ama lalram ta dingin in bâwl a lo tum ta a.

²Chuongchun, Solomon chun phurrik phur mi sîng sari le thing sak mi sîng riet le, anni chu enkawltu dingin mi sâng thum le za ruk chu a ruot ta a.

³Chun, Solomon chun Tura lal Huram kuoma chun mi a tir a, “Ka pa David kha i lo ngaisak a, a umna dinga in bâwlna dingin sidar thinghai i lo thawn ang bawk khan, kei khawm mi hung thawn ve rawh.

⁴Ngai ta, LALPA ka Pathien hmingin ama kuoma inhlân ding le, riminhnikhai a hmaa râwna ding le, entirna bei sie zingna ding le, zîng le zâna le, châwlnia le, thla tharhaia le, LALPA kan Pathien ruoiṭhe hunbihaia pumrawhmang thilinhlânna dingin in ka bâwl a. Hi hi Israel kuoma kumkhaw thuthlung a ni hrim a.

⁵Chu in ka bâwl chu a ropui hle a, kan Pathien chu pathien danghai po po nêkin a ropui lem hrim a.

⁶Amiruokchu, vân le vânhai vân khawm chun ama chu a dâwl nawh ti hmuin tuin am ama ta ding chun in bâwl thei a ta? Ama hmaa riminhnik rawna ding ti chau naw chu, ama ta dingin in ka hang bâwlpêk chu, a tu ang am ka ni hrim a?

⁷Chuleiin, tuhin rângkachak sina themthiem mi, tangkaruo le, dârsen le thîra thiem, a senêm le a senduk le, a dumpâwla thiem, ker dân kawng chi tinrênga thiem, ka pa Davidin a lo ruoi tah, Jerusalem le Juda rama mi thiemhai le thaw ding hin mi themthiem mi hungtir pêk rawh.

⁸Sidar thinghai, fâr thinghai, algum thinghai Lebanona inthawk khan mi hung inphur bawk la; i mihai chu Lebanona thingphûr an thiem ti ka hriet si a; chun, ngai ta, i siehlawhai chu ka siehlawhai leh um an ta;

⁹thing tamtak el mi buotsaipêk dingin, hi in ka bâwl ding hi nasataka ropui a ni ding a ni si a.

¹⁰Chun, i mi thing âttuhai kuoma chun bupui tekhâwng sîng hni le, buṭei tekhâwng sîng hni le, hriek bath sîng hni le uoin bath sîng hni pêng ka tih,” tiin.

¹¹Tura lal Huram chun ziekin a dawn a, chu chu Solomon kuomah a thawn a, “LALPA chun a mihai a lunginsiet leiin an chunga lalah a siem che a nih,” tiin.

¹²Huram bawk chun, “LALPA Israelhai Pathien, hnuoi le vân siemtu lal David kuoma naupasal vartak hrietthiemna le thlierthiemna nei mi, LALPA ta ding le a lal ram ta dinga in bâwltu ding petu chu inpâkin um raw se.

¹³Chun, tuhin hi mi themthiem, hrietthiemna nei mi, a hming Huramabi ka hung tir,

¹⁴ama chu Dan naunuhmeihai thlaa mi a na, ama pa chu Tura mi hrim, rângkachak sina le tangkaruoa le, dârsena le thîra le lunga le, thinga le, a senêma le, a dumpâwla le, puon zai inhmia le a senduka thiem a na, ker dân chi tinrênga ker ding le, thaw dân kawng ruot ang thaw ding mi thiem a na; i themthiemhai le ka pu David i pa, mi thiemhai leh ama chun sin thâwng a ta.

¹⁵Tuhin bupui[1] le buṭei[2] le hriek le, uoin ka puin a hril ta kha, a siehlawhai kuoma hin hung thawn sienla,

¹⁶pawimaw ding ang zât zât chu Lebanona inthawkin thing chu hung sât kan ta, tuipuiah Joppa chen hung tawl kan ta, chutaka inthawk chun Jerusalemah nangin lâng i ta,” tiin.

¹⁷Chun, Solomon chun Israel rama mikhuol um po pohai chu a tiem a, a pa Davidin a tiem hnunghai kha, chuongchun, nuoi khat sîng nga sâng thum le za ruk an tling a.

¹⁸Chun, anni laia sîng sari chu thil phur mi dingin a ruot a; chun, sîng riet chu tlânga thing sak mi dingin; chun, sâng thum le za ruk chu mipuihai sin inthawtirtu dingin.