Read Hmar 2 CHANCHIN SUINA 27 Bible Online

2 CHANCHIN SUINA 27 - Hmar bible

2 CHANCHIN SUINA 27

¹Jotham chu ro a rêl ṭan chun kum sâwmhni pangaa upa a na; Jerusalema chun kum sâwmparuk sûng ro a rêl a, a nu hming chu Jerusa, Zadok naunu a nih.

²A pa Uzziain a lo thaw ta po po ang tak khan, LALPA mithmuah thil indik chu a thaw a; amiruokchu, LALPA biekina chun a lût ve naw a. Mipuihai chun khawhlotakin thil an thaw a.

³LALPA in dâi kawtkhâr sakhnung lem kha a siem a, Ophel kula chun in tamtak a siem bawk a.

⁴Chunawa khawm Juda tlâng rama chun khawpuihai a bâwl a; ramhnuoiahai khawm chun kulbînghai le vêngna inhai dâm a bâwl bawk a.

⁵Ammon thlahai chu ân dopui a, anni a hne ta a. Chun, Ammon thlahai chun chu kum vêk chun tangka talent za, bu phur sîng khat le buṭei phur sîng khat leh an pêk a. Chuong ang lâwma tam chu Ammon thlahai chun ama chu an pêk a, a kum hnina le a kum thumnaa khawm.

⁶Chuongchun, Jotham chu thil a hung thaw thei êm êm a, a lampuihai a Pathien LALPA chu ân kawltir hlak leiin.

⁷Chuongchun, Jotham thil thaw danghai, ân donahai po po, a lampuihai po po, ngai ta, Juda le Israel lalhai lekhabua chun ziek an nih.

⁸Rorêl a ṭan chun ama chu kum sâwmhni pangaa upa a na; kum sâwmparuk Jerusalemah ro a rêl a.

⁹Chuongchun, Jotham chu a thlatuhai lai chun a in ta a; ama chu David khawpuia chun an phûm ta a; a naupa Ahaz chun ama aia chun ro a rêl ta a.