Read Hmar EZRA 10 Bible Online

EZRA 10 - Hmar bible

EZRA 10

¹Ezra chu a ṭawngṭai a, thupha a chawi a, Pathien in tuola bawkkhupa a ṭap a ṭap sûng chun, pasal le nuhmei le naupang mipui nasatak el Israel mihai laia mi chu an hung inkhâwm ta ṭeu el a; mipuihai chu nasatakin an ṭap an ṭap el si a.

²Elam naupasalhai laia pakhat, Jehiel naupa Sekania chun Ezra chu a dawn a, a kuomah, “Ei Pathien chunga chun ei bawsiet ta chu a na, hi rama mihai hmêlmak nuhmeihai chu nuhmeia dâm ei nei ta a, amiruokchu, hi chungthua hin Israel mi ta ding hin beisei um a la um a nih.

³Chuleiin, tuhin, chuong nuhmeihai po po chu ma ding le, annia inthawka pieng taphawt chu sie hmang dingin, Lalpa le ei Pathien thupêka inthintuhai rorêl ang peiin, ei Pathien leh thuthlung siem ei tiu; chuongchun, dân ang taka thaw ni raw se.

⁴Tho rawh, hi thu hi nanga chungah ân nghat a nih; chun, hi keini khawm nanga kuomah kan ṭhang ve bawk a, insukhuoi la, thaw el rawh,” tiin.

⁵Chun, Ezra chu a tho a, thiempu laltakhai, Levi mihai, Israel mi po po hai le chun hi thu ang tak hin inkhâm dingin a tir ta a. Chuongchun, an inkhâm ta a.

⁶Chun, Ezra chu Pathien in tuola chu a tho a, Eliasib naupa Jehohanan pindana chun a va fe ta a; chun, chutaka a va fe khawm chun, bei a fâk naw a, tui khawm a dâwn bawk naw a; sal intâng suokhai bawsietna lei chun nasatakin a lungngai si a.

⁷Chun, Juda ram le Jerusalem vêl po poa chun sal intâng suokhai po po kuomah, Jerusalemah an hung khâwm vawng ding a na;

⁸tukhawm ni thum sûnga hung naw chu mi ṭhahai le upahai rorêl dân angin a thuomhnaw po po chu chân a ta, ama ngei khawm chu sal intâng suokhai laia inthawk pâwlser nîng a tih, tiin thupuong an siem ta a.

⁹Chuongchun, Juda le Benjamin rama mi po pohai chu ni thum sûngin Jerusalema chun an hung inkhâwm ṭeu el ta a; chu chu thla kuona, ni sâwmhni ni tak a nih: chuongchun, mipuihai chu ruopui nasatak lei le, hi thu lei hin inthin pumin Pathien in tuol hmun âwla chun an ṭhung tâwl ta a.

¹⁰Chun, thiempu Ezra chu a ngîr suok a, an kuomah, “In bawsiet ta a, Israel ram khawhlona chu belsa dingin hmêlmak nuhmei in nei nâwk nghâl a.

¹¹Chuleiin, tuhin, in thlatuhai Pathien LALPA kuoma chun thuphachawina siem unla, a dit zâwng chu thaw ro: chuongchun, hmêlmak nuhmeihaia inthawk le hi ram mihaia inthawkin nangni chu insiehre ro,” a ta.

¹²Chun, mipui pungkhâwm po pohai chun an dawn a, râwl inringtakin, “Kan chungthu i hril ang tak chun, chuong ang ngei chun kan thaw ding a nih.

¹³Amiruokchu, mipui hi tamtak an na, ruo nasatak sûr lai a ni bawk a, tuola hin kan um zing thei naw a, ni khat ni hni sin el khawm a ni bawk naw a, hi thil chunga hin nasatakin kan lo bawsiet ta si a.

¹⁴Kan mi ṭhahai hi mipui aiaw dingin thlang ni hai sienla, hi thil hi sukfel a ni hmakhat, kan chunga Pathien lunginsenna ṭiumtak chu hlîpthlâk a ni hmakhat chun, kan khuohaia hmêlmak nuhmei neituhai chu, khaw tina upahai le rorêltuhai leh hun ruotahai chun hung lem raw hai se,” an ta.

¹⁵Asahel naupa Jonathan le Tikva naupa Jahzeia chau chun hi thu hi an kal a, Mesullam le Sabbethai Levi mihai chun anni chu an thlawp thung a.

¹⁶Chuongchun, sal intâng suokhai chun chuong ang chun an thaw ta a. Chun, thiempu Ezra chu, an pahnam ang peiin, pahnam upa ṭhenkhathai leh, an rêngin an hming suot sengin an siehran ta a. Chuongchun, thla sâwmna, ni khat ni chun chu thil chu enfie dingin an ṭhung ta a.

¹⁷Chun, thla khatna, ni khat ni chun hmêlmak nuhmei nei mihai po po chu an zo ta a.

¹⁸Chun, thiempuhai naupasalhai lai ngei khawm chun hmêlmak nuhmei lo neituhai chu hmusuok an hung ni ta a: hming lamin hieng, Jozadak naupa Jesua naupasalhai, an unauhai leh; Maaseia, Eliezer, Jarib le Gedalia hai hi.

¹⁹Anni chun an nuhmeihai chu ma dingin thu an tiem a; chuongchun, khawhlo an lo ni ta lei chun, an suol ta dingin berâm ruol laia mi berâmchal pakhat an inhlân ta a.

²⁰Immer naupasalhai chu: Hanani le Zebadia.

²¹Harim naupasalhai chu: Maaseia, Elija, Semaia, Jahiel le Uzzia.

²²Pas-hur naupasalhai chu: Elioenai, Maaseia, Ismael, Nethanel, Jozabad le Elasa.

²³Levi mihai naupasalhai chu: Jozabad, Simei, Kelaia (ama chu Kelita a nih), Pethahia, Juda le Eliezer.

²⁴Hlasaktuhai naupasalhai chu: Eliasib. Kawtkhâr vêngtuhai naupasalhai chu: Sallum, Telem le Uri.

²⁵Israel laia chun: Paros naupasalhai chu: Ramia, Izzia, Malkija, Mijamin, Eleazar, Malkija le Benaia.

²⁶Elam naupasalhai chu: Mattania, Zekaria, Jehiel, Abdi, Jeremoth le Elija.

²⁷Zattu naupasalhai chu: Elioenai, Eliasib, Mattania, Jeremoth, Zabad le Aziza.

²⁸Bebai naupasalhai chu: Jehohanan, Hanania, Zabbai le Athlai.

²⁹Bani naupasalhai chu: Mesullam, Malluk, Adaia, Jasub, Seal le Jeremoth.

³⁰Pahath-moab naupasalhai chu: Adna, Kelal, Benaia, Maaseia, Mattania, Bezalel, Binnui le Manasse.

³¹Harim naupasalhai chu: Eliezer, Issija, Malkija, Semaia, Simeon,

³²Benjamin, Malluk le Semaria.

³³Hasum naupasalhai chu: Mattenai, Mattattah, Zabad, Eliphelet, Jeremai, Manasse le Simei.

³⁴Bani naupasalhai chu: Maadai, Amram, Uel,

³⁵Benaia, Bedeia, Keluhi,

³⁶Vania, Meremoth, Eliasib,

³⁷Mattania, Mattenai le Jaasu.

³⁸Binui naupasalhai chu: Simei,

³⁹Selemia, Nathan, Adaia.

⁴⁰Maknadebai, Sasai, Sarai,

⁴¹Azarel, Selemia, Semaria,

⁴²Sallum, Amaria, Josef.

⁴³Nebo naupasalhai chu: Jeiel, Mattithia, Zabad, Zebina, Iddo, Joel le Benaia.

⁴⁴Hienghai po po hin hmêlmak nuhmei chu an lo nei ta a; ṭhenkhat lem chun an nuhmeihaia chun nauhai dâm an lo nei hiel ta a.