Read Hmar NEHEMIA 10 Bible Online

NEHEMIA 10 - Hmar bible

NEHEMIA 10

¹Chuongchun, a mi namdetpuituhai chu Hakalia naupa, ram awptu Nehemia le Zedekia,

²Seraia, Azaria, Jeremia,

³Pas-hur, Amaria, Malkija,

⁴Hattus, Sebania, Malluk,

⁵Harim, Meremoth, Obadia,

⁶Daniel, Ginnethon, Baruk,

⁷Mesullam, Abija, Mijamin,

⁸Maazia, Bilgai le Semaia hai: hienghai hi thiempuhai an nih.

⁹Chun, Levi mihai chu: Azania naupa Jesua, Henadad naupahai laia mi Bennui, Kadmiel,

¹⁰chun, an unau Sebania, Hodia, Kelita, Pelaia, Hanan,

¹¹Mika, Rehob, Hasabia,

¹²Zakkur, Serebia, Sebania,

¹³Hodia, Bani le Beninu hai.

¹⁴Mipui hotuhai chu: Paros, Pahath-moab, Elam, Zattu, Bani,

¹⁵Bunni, Azgad, Bebai,

¹⁶Adonija, Bigvai, Adin,

¹⁷Ater, Hezekia, Azzur,

¹⁸Hodia, Hasum, Bezai,

¹⁹Hariph, Anathoth, Nebai,

²⁰Magpias, Mesullam, Hezir,

²¹Mesezabel, Zadok, Jaddua,

²²Pelatia, Hanan, Anaia,

²³Hosea, Hanania, Hassub,

²⁴Hallohes, Pilha, Sobek,

²⁵Rehum, Hasabna, Maaseia,

²⁶Ahia, Hanan, Anan,

²⁷Malluk, Harim le Baana hai an nih.

²⁸Chun, mi dang, thiempuhai, Levi mihai, kawtkhâr vêngtuhai, hlasaktuhai, temple siehlawhai le Pathien Dân zâwm tuma chuong rama mihaia inthawka insiekienghai po po, an nuhmeihai, an naupasalhai, an naunuhmeihai, hrietna le hrietthiemna neihai taphawt chun,

²⁹an unauhai, an mi lienhai chu an chel tlat a, ṭawngsephur dinga inkhâm rauin thu an tiem a; Pathien siehlaw Mosie pêk Pathien Dân zâwm dinga LALPA ei Lalpa thupêkhai po po le a rorêlnahai le a thuruothai chu zâwm ve vawng a;

³⁰chu rama mihai chu kan naunuhmeihai inneitir lo a, kan naupasalhai ta dinga an naunuhmeihai nei bawk lo a,

³¹chu rama mihaiin châwlnia thil zawr ding thuomhnaw amanih, fâk ding hrim hrim zawr amanih an hung lâk a, châwlnia manih, umni inser nia mania inchawpêk lo a; kum sarinaa ram sielui a, leiba po po ṭhin lo dingin.

³²Chun, kan Pathien in tienga rawngbâwlna dinga shekel hmun thuma ṭhea hmun khat kum tina pêk dingin dân kan ta dingin kan siem bawk a;

³³bei inhlân ding le, beiphit thil inhlân ding le, pumrawhmang thilinhlân rawp ding dâmin, châwlnia ding dâmin, thla thara ding dâmin, hunbi nei ruoiṭhea ding dâmin, thil inthienga ding dâmin, Israel mihai ta dinga inremna siemna dinga suol inthâwinaa ding le, kan Pathien in tienga thaw ding po po thawna ding dâmin.

³⁴Kan pi le puhai sûngkuo ang peia kum tina hunbi ruota Dân bu ziek anga, LALPA kan Pathien maichâma raw ding thing inhlân kan Pathien ina inkhâwmtu ding hrietna dingin thiempuhai leh, Levi mihai leh, mipuihai leh ṭhum kan vâwr a;

³⁵chun, kum tina kan loa thlai thar hmasa tak le, thing chi tinrêng ra hmasa tak LALPA ina sie lût ding dâm,

³⁶Dâna ziek anga kan naupasal le kan ran pieng hmasa takhai, kan bâwng ruol le berâm ruol laia pieng hmasa takhai khawm kan Pathien ina rawngbâwltu thiempuhai kuoma kan Pathien ina ṭhuoi ding dâm;

³⁷kan Pathien in pindana thiempuhai kuoma kan bei hmet hmasa tak dâm, a thêna thêna kan thilinhlânhai dâm, thing chi tinrêng rahai dâm, uoin le hriek chawi ding dâm; kan loa mi sâwmapakhat Levi mihai pêk ding dâmin dân kan ta dingin kan siem bawk a, anni Levi mihai chun kan khuo laia lohma nei khuo taphawtah sâwmapakhat an lâk hlâk a nih.

³⁸Chun, Levi mihaiin sâwmapakhat an lâk laiin Aron thla thiempu chu Levi mihai kuoma chun an um ding a nih; Levi mihai chun sâwma pakhat an ilâka sâwma pakhat chu kan Pathien inah ro siekhâwmna pindana chun an hung sie ding a nih.

³⁹Israel mipuihai le Levi naupasalhai chun bu le uoin le hriek a thêna thêna thilinhlân hmun inthieng bûr-le-bêl le rawngbâwltu thiempuhai, kawtkhâr vêngtuhai dâm, hlasaktuhai umna pindana chun an sie ding a nih; chuong ang chun a nih, kan Pathien in chu thlathlam lo dinga dân kan insiempêk chu.