Read Hmar NEHEMIA 3 Bible Online

NEHEMIA 3 - Hmar bible

NEHEMIA 3

¹Chuongchun, thiempu lal Eliasib chu a unau thiempuhai le chun an tho a, Berâm kawtkhâr chu an siem a; an sukthieng a, kawtkhârhai chu an siem a; Hammea[1] in insâng chenin an sukthieng a, Hananel in insâng chen chun.

²A dawt chu Jeriko mihaiin an siem a. Anni[2] dawta chun Imri naupa Zakkur chun a siem a.

³Chun, Nga kawtkhâr chu Hassena naupahaiin an siem a; a kalhai an sie a, a kawtkhâr kalhai an siem a, a kalnahai le a bâtnahai dâm an siem a.

⁴Anni dawta chun Hakkoz nau Uria naupa Meremoth chun a siem a. Anni dawta chun Mesezabel nau Berekia naupa Mesullam chun a siem ṭha a. Anni dawta chun Baana naupa Zadokin a siem ṭha a.

⁵Anni dawta chun Tekoa-haiin an siem ṭha a; nisienlakhawm, an mi lienhai chun an hotu sina chun an rîng an va rawl nuom ve naw a.

⁶Chun, kawtkhâr hlui chu Pasea naupa Joiada le Besodeia naupa Mesullam chun an siem ṭha a, a kalhai an khang a, a kawtkhâr chu an inkal a, a kalnahai le a bâtnahai chu an rem a.

⁷Chun, anni dawta Gibeon mi Melatia le Meronoth mi Jadon, vadung râl awptu thu hnuoia um Gibeon mihai le Mizpa mihai le chun an siem ṭha a.

⁸A dawta chun rângkachak suttuhai laia mi Harhaia naupa Uzziel chun a siem ṭha a. Chun, a dawt nâwka chun riminhnik siemtu laia mi Hanania chun a siem ṭha a; a kul sâna lai chenin Jerusalem chu an siem ṭha a.

⁹Chun, anni dawta chun Jerusalem biel chenve hotu Hur naupa Rephaia chun a siem ṭha a.

¹⁰Anni dawta chun Harumaph naupa Jedaia chun a in zâwn chu a siem ṭha a. A dawta chun Hasabneia naupa Hattus chun a siem ṭha a.

¹¹Harim naupa Malkija le Pahath-Moab naupa Hassub hai chun meipui sepna in insâng le hmun dang an siem ṭha a.

¹²A dawta chun Jerusalem biel chenve hotu Hallohes naupa Sallum chun a naunuhmeihai leh an siem ṭha a.

¹³Ruom kawtkhâr chu Hanun le Zanoa umhai chun an siem ṭha a; an siem a, a kawtkhârhai chu an inkal a, a kalnahai le a bâtnahai chu an rem a; chun, Hmunhnawk kawtkhâr chenin kul tawng sâng khat an siem bawk a.

¹⁴Hmunhnawk kawtkhâr ruok chu Beth-Hakerem biel hotu Rekab naupa Malkija chun a siem ṭha a; a siem a, kawtkhârhai chu a rem a, a kalnahai le a bâtnahai chu a siem ṭha a.

¹⁵Chun, Mizpa biel hotu Kolhoze naupa Sallum chun tuikhur kawtkhâr chu a siem ṭha a; a siem a, ân khum a, a kawtkhârhai a rem a, a kalnahai le a bâtnahai chu a rem a; chun, lal huon kâwla Sela dîl inhuonna chu David khuoa inthawka fe thla kaiṭen chen khan a siem ṭha bawk a.

¹⁶A dawta chun Azbuk, Beth-zur biel chenve hotu naupa Nehemia chun David thlân zâwn le dîl tieng le mi huoisenhai in chenin a siem ṭha a.

¹⁷A dawta chun Levihaiin an siem ṭha a. Bani naupa Rehum hai rawi chun. A dawta chun Keila biel chenve hotu Hasabia chun ama biel hmingin a siem ṭha a.

¹⁸A dawta chun an unauhaiin an siem ṭha a; Keila biel chenve hotu Henadad naupa Bavvai rawiin an siem ṭha a.

¹⁹Chun, a dawta chun Mizpa hotu Jesua naupa Ezer chun hmun dang, kul kâwi ṭannaa râlthuom siena hang panna zâwn chu a siem ṭha a.

²⁰A dawta chun Zabbai naupa Baruk chun ṭhahnemngaitakin hmun dang, kul kâwi ṭannaa inthawka thiempu lal Eliasib in kawtkhâr chenin a siem ṭha a.

²¹A dawta chun Hakkoz naupa Uria naupa Meremoth chun hmun dang, Eliasib in kawtkhâra inthawka Eliasib in tâwp chenin a siem ṭha a.

²²Chun, a dawta chun chulai vêla thiempuhai chun an siem ṭha a.

²³Anni dawta chun Benjamin le Hassub chun anni in zâwn chu an siem ṭha a. Anni dawta chun Anania nau Maaseia naupa Azaria chun ama in kâwl chu a siem ṭha a.

²⁴A dawta chun Henadad naupa Binnui chun hmun dang, Azaria ina inthawka kul kâwi ṭanna a kil chenin a siem ṭha a.

²⁵Uzai naupa Palal chun kul kâwi ṭanna zâwn le intângna in kâwl, lal in chunghnung lema inthawka va lawr in insâng zâwn a siem ṭha a. A dawta chun Paros naupa Pedaia chun a siem ṭha a.

²⁶Nethinimhai[3] Ophela umhai chun saktieng panga Tui kawtkhâr zâwn chen le, in insâng va lawr chen khan an siem ṭha a.

²⁷A dawta chun Teko-haiin hmun dang, in insâng lientak va lawr zâwn le Ophel kul chenin an siem ṭha a.

²⁸Sakawr kawtkhâr chung tieng thiempuhaiin mâni in zâwn seng an siem ṭha a.

²⁹Anni dawta chun Immer naupa Zadok chun ama in zâwn a siem ṭha a. Chun, a dawta chun saktieng kawtkhâr vêngtu Sekania naupa Semaia chun a siem ṭha a.

³⁰A dawta chun Selemia naupa Hanania le Zalaph naupa parukna Hanun chun hmun dang an siem ṭha a. A dawta chun Berekia naupa Mesullam chun a umna zâwn a siem ṭha a.

³¹A dawta chun rângkachak suttu laia mi Malkija chun Hamiphkad[4] kawtkhâr zâwn Nethinimhai[5] in le sumdâwnghai in chen le, a kil hang panna chen khan a siem ṭha a.

³²Chun, a kil hang panna le berâm kawtkhâr inkâr chu rângkachak suttuhai le sumdâwngtuhai chun an siem ṭha a.