Read Hmar INPÂKNA HLA BU 1 Bible Online

INPÂKNA HLA BU 1 - Hmar bible

INPÂKNA HLA BU 1

¹Mi rilohai remruot ang chu hraw lova, Mi suolhai lampuia khawm ngîr ngai lova, Hmusittuhai ṭhungphaa khawm ṭhung ngailo mi chu a hamṭha.

²A lâwmna chu LALPA dânah a ni lem a, A dân thu chu a sûn a zânin a ngaituo hlak a.

³Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

⁴Mi rilohai ruok chu chuong ang chu an ni naw a, Busi thliin a lênhmang hlak ang hi an ni lem a.

⁵Chuleiin, mi rilohai chu rorêlna hmaa chun ngîr thei naw ni hai a, Mi suolhai khawm mi felhai inkhâwmnaa chun ngîr thei bawk naw ni hai.

⁶Lalpa chun mi felhai lampui chu a hriet si a, Mi rilohai lampui ruok chu bohmang a tih.