Read Hmar INPÂKNA HLA BU 100 Bible Online

INPÂKNA HLA BU 100 - Hmar bible

INPÂKNA HLA BU 100

¹Lâwmthu hrila inpâkna Hla. Ram po pohai, LALPA chawimawiin hlimtakin khêk ro;

²Lâwm pumin LALPA rawng bâwl unla, Hlasak pumin a hmaah hung ro.

³LALPA chu Pathien a nih ti hre unla, A mi siemtu chu ama chu a na, ama ta ei nih; A mihai le a ran tlatna hmuna berâmhai chu ei nih.

⁴Lâwmthu hril pumin a kawtkhâra chun lût unla, Inpâk pumin a biekin inhuonna sûng tuollaia chun lût ro; A kuomah lâwmthu hril unla, a hming chu inpâk ro.

⁵LALPA chu a ṭha si a, a zainêmna chu kumkhawtluongin um a ta, A ringumzie chu suon po po chenin um a tih.