Read Hmar INPÂKNA HLA BU 11 Bible Online

INPÂKNA HLA BU 11 - Hmar bible

INPÂKNA HLA BU 11

¹Hla ṭhuoitu ta dingin, David Inpâkna Hla. LALPAA chun ka ringna kân nghat hlak a, Iengtiziea ka hringna kuoma hin, “In tlânga chun vate angin vuong hmang ro,” in ti?

²En ta u, lungril indiktak put inthim hnuoia an kâp theina dingin, Mi rilohai chun thalngul an kuoi a, An thal chu a hruiah an inbûk diem saw!

³Lungphûmhai chu suksieta a um chun, Mi felin ieng am sukse thei a ta?

⁴LALPA chu a biekin inthiengah a um a, LALPA chu a ṭhungpha chu vânah a um; Mihriem nauhai hi a mitin a en a, a mitvun chun a fie hlak.

⁵LALPA chun mi fel le mi rilo chu a fie hlak a. Nunrâwngna ngaina mi chu a hringna chun a theida hlak.

⁶Mi rilohai chunga chun chânghai insûrtir a ta, Mei le kât le thil lumtak chu an no chan ding nîng a tih.

⁷LALPA chu a fel si a, felna hi a ngaina hlak, Mi indiktakhai chun a hmêl la hmûng an tih.