Read Hmar INPÂKNA HLA BU 112 Bible Online

INPÂKNA HLA BU 112 - Hmar bible

INPÂKNA HLA BU 112

¹LALPA chu inpâk ro, LALPA ṭi mi chu a hamṭha ie, a thupêkhaia nasataka lâwm mi chu.

²A thlahai chu hnuoia hin hrâttakin um an ta, Mi indiktakhai suonhai chu malsâwmin um an tih.

³A ina chun sum le hausakna a um a, A felna chu kumkhawtluonga um ding a nih.

⁴Mi indik ta ding chun inthima chun var a hung suok a, Ama chu mi lunginsiet theitak, lainatnaa sip, feltak a nih.

⁵Mi lunginsieta inpûktir hlak mi chu ṭhatin a vur hlak a, Ama chu feltakin khawsâng a tih.

⁶Iengtika khawm ân hnîng âwm si naw a, Mi fel chu kumkhuoa hriet zingin um a tih.

⁷Chanchin ṭha nawtakhai ṭi naw ni a, LALPA chu ringin a lungril chu a det a nih.

⁸A lungril chu a det a, ṭi naw nih, Ama dotuhai chunga a duthusâm tlung chu a hmu hmakhat chu.

⁹A semdar a, pasiehai kuomah a pêk a, A felna chu kumkhuoa um ding a nih; A ki chawimawinaa chawimawiin um a tih.

¹⁰Mi rilo chun chu chu hmûng a ta, lunginsen a tih, A ha râwt a ta, intuihmang a tih: Mi rilohai dit zâwng chu bohmang a tih.