Read Hmar INPÂKNA HLA BU 113 Bible Online

INPÂKNA HLA BU 113 - Hmar bible

INPÂKNA HLA BU 113

¹LALPA chu inpâk ro. Aw LALPA siehlawhai, inpâk unla, LALPA hming chu inpâk ro.

²LALPA hming chu inpâkin um raw se, Tuta inthawka kumkhawtluongin.

³Nisa suoknaa inthawka a tlâkna chenin, LALPA hming chu inpâk ding a nih.

⁴LALPA chu hnam tinrênghai chunga chun chunghnung dai a na, A ropuina chun vânhai khi a khûm dai a nih.

⁵LALPA ei Pathien ang tu am an um a? Chungtienga ṭhungpha neia,

⁶Vâna thil umhai le hnuoia thil umhai en dinga, Insukhnuoi hlak ang hi tu am an um a?

⁷Ama chun rimsi chu pilvuta inthawk chun a keitho hlak a, Pasie chu êkthlia inthawk chun a dawm kâng hlak;

⁸Mi lienhai kuoma ân umtir theina dingin, A mihai laia mi lienhai kuoma ngei chun.

⁹Ama chun nuhmei ching chu in le lo ân vawngtir hlak a, Nau nei mi hlimtakah a siem hlak; LALPA chu inpâk ro.