Read Hmar INPÂKNA HLA BU 114 Bible Online

INPÂKNA HLA BU 114 - Hmar bible

INPÂKNA HLA BU 114

¹Israelhai chu Aigupta rama inthawkin an suok a, Jakob sûnghai ngei chu ṭawng dang mihai laia inthawka an suok lai khan,

²Judahai chu ama hmun inthieng an hung ni ta a, Israelhai chu a rorêlna ram an hung ni ta bawk a.

³Tuipui chun chu chu a hmu a, a tlân hmang a, Jordan vadung chu sukkîrin a um ta a.

⁴Tlâng lienhai chu berâmchalhai angin an inhnel a, Tlâng chînhai chu berâm chaltuoihai angin.

⁵Aw nang tuisuoriet, ieng am i ti a, i tlân hmang a na? Nang Jordan, ieng am i ti a, i kîr nâwk a na?

⁶Nangni tlâng lienhai, ieng am in ti a, berâmchalhai anga in inhnel a na? Nangni tlâng chînhai, ieng am in ti a, berâm chaltuoihai anga in inhnel a na?

⁷Nang leihnuoi, LALPA hmaa chun inthin rawh, Jakobhai Pathien hmaa chun,

⁸Ama chun lungpui chu dîlah ân changtir a, Meitâwklung chu tuihnârah ân changtir bawk a.