Read Hmar INPÂKNA HLA BU 121 Bible Online

INPÂKNA HLA BU 121 - Hmar bible

INPÂKNA HLA BU 121

¹Kai Hla. Tlâng tiengahai khin ka mit hang inlên ka ta, Khâwtienga inthawkin am a mi ṭhangpuina ding hung tlung a ta?

²A mi ṭhangpuina ding chu LALPA, Hnuoi le vân siemtu kuoma inthawkin hung tlung a tih.

³Ama chun i ke chu khaisawn phal naw ni a, Nangma vêngtu chu inlusu naw ni.

⁴Ngai ta, Israelhai vêngtu chu, Inlusuin, ininnghil bawk naw ni.

⁵LALPA chu nangma vêngtu a nih, LALPA chu i changtienga hlietu che a nih.

⁶Sûnah nisa chun em naw ni che a, Zâna chun thlain em bawk naw ni che.

⁷LALPA chun suol tinrênga inthawk chun vêng a ti che a, I hringna chu vêng a tih.

⁸LALPA chun i suok le i lût chu vêng a ti che, Tuta inthawka kumkhawtluongin.