Read Hmar INPÂKNA HLA BU 129 Bible Online

INPÂKNA HLA BU 129 - Hmar bible

INPÂKNA HLA BU 129

¹Kai Hla. “Ka naupang chîntea inthawk mihaiin vawi tamtak an mi suklungzîng a,” Israelhaiin ti raw se.

²“Ka naupang chîntea inthawk mihaiin vawi tamtak an mi suklungzîng a, Nisienlakhawm, an mi hne si nawh.

³Hnuoi inlettuhai chun ka ruongzânga hin hnuoi an inlet a, An changkuong tlâng thlûrhai chu an suksei hle a.

⁴LALPA chu a fel a nih: Mi rilohai hruihruolhai chu a ât tan ta a,” tiin.

⁵Anni chu muolpho le intlânsiettirin um raw hai se, Zion theidatuhai po po chu.

⁶Ân ṭhang insâng hmaa vuoi el hlak, In chunga hlobet angin um raw se.

⁷Chu hlobet chun bu âttuin a kut a suksip ngai naw a, Buphal intêltuin a ângsûng a suksip ngai bawk nawh.

⁸“LALPA malsâwmna in chungah um raw se, LALPA hmingin mal kan sâwm cheu hi,” A fe khêltuhaiin an ti ngai bawk nawh.