Read Hmar INPÂKNA HLA BU 137 Bible Online

INPÂKNA HLA BU 137 - Hmar bible

INPÂKNA HLA BU 137

¹Babulon vadung pangahai, Chutaka chun kan ṭhung a; anih, kan ṭap hlak, Zion kan ngaituoin.

²Vadung laia phahrâmhaia chun, Kan ṭingṭanghai kan bâng hlak a.

³“Zion hla pakhat mi sakpêk ro,” tiin, Chutaka chun sala mi ṭhuoituhaiin hlasak dingin an mi phût a: A mi sukrimsituhaiin hlim dingin an mi phût bawk hlak si a.

⁴Mi ramahai chun LALPA hla iengtin am sak thei kan ti a?

⁵Aw Jerusalem, ka theinghil che chun, Ka kut changtieng hin a thil thiem hi theinghil ve raw se.

⁶Ka hriet zing naw che chun, Ka lei hi ka dangah kawp tlat raw se; Ka hlimna tak nêka Jerusalem ka dit lem naw chun.

⁷Aw LALPA, Jerusalem ni chu Edom thlahai chungah a se tiengin hre zing rawh: “A lungphûm chen khawmin, Sukchim ro, sukchim ro,” tituhai kha.

⁸Aw Babulon naunu, sukbohmanga um ding, Kan chunga i thaw anga, Thung ding che chu lâwmtakin um a tih.

⁹I nau le têhai lâkpêk cheha, lungpui vuoknaa hmangtu ding chu, Lâwmtakin um a tih.