Read Hmar INPÂKNA HLA BU 14 Bible Online

INPÂKNA HLA BU 14 - Hmar bible

INPÂKNA HLA BU 14

¹Hla ṭhuoitu ta dingin, David Inpâkna Hla Mi invêt chun a lungrilin, “Pathien hrim a um nawh,” a ti hlak a. An se zo a, thil ṭha thaw hrim an um nawh.

²“Hrethiema Pathien zawng hrim hrim an um am?” ti hre dingin, LALPA chun vâna inthawkin mihriem nauhai hi a zuk en a.

³Anaw tieng an lo pêt vawng ta a, pawrchetakin an lo um ta vawng a, Tukhawm thil ṭha thaw hrim an um nawh, pakhat bêk khawm an um dêr nawh.

⁴Thil suksuoltuhai hrim hrim chun hrietna hrim an nei naw am a nih? Bei an fâk angin ka mihai an fâk zo vawng hlak a, LALPA hlak an ko ngai bawk nawh.

⁵Chutaka chun ṭi bêk bêkin an um a, Pathien chu mi fel thlahai lai chun a um hlak leiin.

⁶Mi rimsi remruot chu in sukmuolpho hlak a, LALPA chu ân humhimna a ni leiin.

⁷Israelhai sandamna chu Ziona inthawkin hung suok sienla chu aw! LALPA chun a mihai sala an um chu a ṭhuoi kîr nâwk pha chun, Chu pha chun Jakob rawi hlim tâng an ta, Israel lâwm tâng an tih.