Read Hmar INPÂKNA HLA BU 140 Bible Online

INPÂKNA HLA BU 140 - Hmar bible

INPÂKNA HLA BU 140

¹Hla ṭhuoitu ta dingin: David Inpâkna Hla. Aw LALPA, mi suola inthawk chun mi sanhim la, Mi nunrâwnga inthawk chun mi humhim rawh.

²Anni chun an lungrilah thil suksuolhai an ngaituo hlak a, Do dingin an inkhâwm rawp hlak.

³An lei chu rûl angin an sukngei a, An hner sûnga chun rûlriel tûr a um a.

⁴Aw LALPA, mi rilo kuta inthawk chun mi vawng ṭha la, Mi nunrâwnga inthawk chun mi humhim rawh; Anni chun ka ke pênhai hi nam kâwi an tum a.

⁵Mi chapohai chun ka âwkna dingin châng an kam rûk a, hruihruolhai leh; Lampui sîra chun lên an pha a, Ka âwkna dingin chânghai an kam a.

⁶LALPA kuoma chun, “Nang chu ka Pathien i na, Aw LALPA, lunginsiet ka hnina râwlhai hi lo ngaisak rawh.

⁷Aw LALPA ka Pathien, ka sandamtu hrât, Nang chun indo nia chun ka lu i mîn khumpêk a;

⁸Aw LALPA, mi rilo dit zâwnghai chu phal naw la, An ngaituona suol chu inpuitlingtir naw rawh; Chuong naw chun inchawimawi rawi an tih,” ka ti a.

⁹A mîn huolvêltuhai lu chu, Anni hmûra an thu suol hril chun inkhum raw se.

¹⁰Meilinghai an chungah tla sienla, Meia peiin um hai sienla, An tho nâwk ta nawna dingin khur inthûktakah peiin um raw se.

¹¹Thu ṭha naw hriltu chu hnuoia hin sukdetin um naw ni a, Mi nunrâwng sukse dingin thil ṭha nawin tlâkbuok a tih.

¹²LALPA chun rinum tuorhai chu an thuah ṭan a tih ti ka hriet, Pasiehai ro chu indiktakin a rêlpêk hlak.

¹³Matheilovin mi felhai chun i hming inpâk an ta, Mi indikhai chu i hmaah um an tih.