Read Hmar INPÂKNA HLA BU 142 Bible Online

INPÂKNA HLA BU 142 - Hmar bible

INPÂKNA HLA BU 142

¹David Inpâkna Hla. Ka râwlin LALPA chu ka ko a, Ka râwlin LALPA kuomah lunginsietna ka hni hlak.

²A hmaah ka lunginzîng thu ka hril a, A hmaah ka buoina kân hriettir hlak.

³Ka thlarau ka sûnga a châu lai khan, nangma ngeiin ka lampui chu i hriet a; Ka fena lampuia hin ka âwkna dingin châng an kam rûk a.

⁴Ka changtieng hi thlêk la, en ta, tukhawm a mi hre hrim hrim an um ta naw hi; Kân humhimna a um ta naw a tukhawmin ka hringna hi an ngaisak ta nawh.

⁵Aw LALPA, ka ko che a “Nang chu kân humhimna, Mi hring rama ka chanvo i nih,” ka ti a.

⁶Ka khêk ri hi lo ngai la, nasataka sukhnuoiin ka um ta si a, A mi suknawmnatuhaia inthawk hin mi sanhim la, keia nêkin an hrât lem si a.

⁷I hming kân pâk theina dingin ka hringna hi intângna ina inthawkin ṭhuoi suok la, Mi felhai chun mîn huol vêl an ta; Nangin ṭhataka i mi thaw ding a ni leiin.