Read Hmar INPÂKNA HLA BU 149 Bible Online

INPÂKNA HLA BU 149 - Hmar bible

INPÂKNA HLA BU 149

¹LALPA chu inpâk ro. LALPA chawimawiin hla thar sak unla, Mi inthienghai inkhâwmnaa chun ama inpâkna hla sak ro.

²Israelhai chu anni siemtu chunga chun lâwm hai sienla, Zion nauhai chu an Laltak chunga chun hlim raw hai se.

³A hming chu lâmin inpâk hai sienla, Khuongtê le ṭingṭang leh ama inpâkin hla sak raw hai se.

⁴LALPA chu a mihai chungah a lâwm si hlak a, Thuhnuoirawlhai chu sandamin sukmawi a tih.

⁵Mi inthienghai chu ropuinaah lâwmtakin um sienla, An khumlaizâwlhaiah hlimin hla sak raw se.

⁶Pathien chawimawia inpâkna chu an bauah um sienla, Kâwlhnâm ngeituo an kutah um bawk raw se.

⁷Hnam tin chunga phuba la a, Mi tin chunga hremna intlungtir ding le,

⁸An lalhai chu khaidieta khuop a, An mi ṭhahai chu thîrkawlhai inbuntir ding le,

⁹Rorêl ziek saa an chunga rêl dingin; Chu chu a mi inthienghai po po ta dinga ropuina a nih. LALPA chu inpâk ro.