Read Hmar INPÂKNA HLA BU 26 Bible Online

INPÂKNA HLA BU 26 - Hmar bible

INPÂKNA HLA BU 26

¹David Inpâkna Hla Aw LALPA, ro mi rêlpêk rawh, lungril ṭhatak putin ka um si a, Ringhla lovin LALPA chu ka ring bawk a.

²Aw LALPA, mi enfiein mi fie la, Ka lungril le ka lungvar hi sukthieng la,

³I ngilneizie chu ka hmaah a um si a, I thutaka chun ka um rawp bawk a.

⁴Mi hmangnabohai kâwlah ka ṭhung ngai naw a, Mi vervêkhai kuoma khawm ka lût ngai bawk nawh.

⁵Thil ṭha naw thawtuhai inkhâwm chu ka theida a, Mi rilohai kâwlah ṭhung naw ningah.

⁶Ka kuthai hi demkailonain sâwp ka ta, Chuong ang chun, aw LALPA, i maichâm chu fe huol ka tih.

⁷Lâwmthu hrilna ka sukrîk thei a, I thilmak thaw po po thuhai chu ka hril theina dingin.

⁸LALPA, i umna in chu ka ngaina a, I ropuina umna khawm chu.

⁹Mi suolhai laia chun mi peisa naw la, Ka hringna khawm hi thisen insuo hmanghai lai chun la sa bawk naw rawh.

¹⁰An kuta chun ngaituona suol a um a, An kut changtieng chu thamnain a sip a;

¹¹Nisienlakhawm, kei chu lungril ṭhatak putin um ka tih, Mîn tlan la, mi lunginsiet rawh.

¹²Ka ke hi hmun inzâwltakah a ngîr a, Inkhâwmnaahai chun LALPA chu inpâk ka tih.