Read Hmar INPÂKNA HLA BU 43 Bible Online

INPÂKNA HLA BU 43 - Hmar bible

INPÂKNA HLA BU 43

¹Aw Pathien ro mi rêlpêk la, Pathien ngaisak naw hnam chunga hin ka thu mi hrilpêk rawh; Aw, mi hlêmhmang mi indik nawa inthawk hin mi sanhim rawh.

²Nang chu ka hrâtna Pathien i ni si a, iengdinga i mi ngaitha am a na? Iengdinga a mi dotu nêksâwrna leia lungngaia kân vâi ruoi hlak am a na?

³Aw, i var le i thutak chu tir suok la, anni chun mi ṭhuoi sienla, I tlâng inthieng le, I umna chu mîn tlun raw se.

⁴Chuongchun, Pathien maichâm kâwlah fêng ka ta, Pathien ka hlimna bêk bêk kuoma chun: Aw Pathien, ka Pathien, ṭingṭangin inpâk bawk ka ti che.

⁵Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, ama chu ka lân pâk ding a ni si a. Ka hmêl sukmawitu le ka Pathien chu.