Read Hmar INPÂKNA HLA BU 60 Bible Online

INPÂKNA HLA BU 60 - Hmar bible

INPÂKNA HLA BU 60

¹Hla ṭhuoitu ta dingin, Susan-eduth-a sak ding: David Miktam. Inchûktir dingin ama chun Aram-naharaimhai leh Aram-zobahai leh an inthawh a. Chun, Joab a kir a, Edomhai sîng khat le sâng hni Chi ruomah a that laia mi. Aw Pathien, nangin i mi thlauthlâk a, i mi suksiet a, I lo lunginsen tah am; aw, mi tungding nâwk rawh.[13]

²Hi ram hi i sukthin a, i sukkak ta a, A kakhai chu siemṭha nâwk la, ân hnîng ân hnîng si a.

³I mihai hi thil inkhawtakhai în tuoktir a, Pêmna uoin chu i mîn dâwn tir ta a.

⁴Nangma ṭituhai che kuoma chun puonzâr i pêk ta a, Thutak leia zar a ni theina dingin.

⁵I dittakhai hi sanhima an um theina dingin, I kut changtiengin sandam la, mi hung dawn rawh.

⁶Pathienin ân thiengnaa[14] chun hieng ang hin a hril a, “Hlimtakin Sekem chu khawi dar ka ta, Sukkoth ruom chu sem dar bawk ka tih.

⁷Gilead chu ka ta a na, Manasse khawm ka ta a nih; Ephraim khawm chu ka lu humhimna a na, Juda chu ka lalhmawl a nih.

⁸Moab chu kân sâwpna bêl a na; Edoma chun ka kekawk pei ka tih; Philistia khawm chu hnein khêk khum ka tih,” tiin.[15]

⁹Khawpui dettaka chun tuin am mi ṭhuoi lût a ta? Edom rama chun tuin am mi ṭhuoi a ta?

¹⁰Aw Pathien, nangma ngeiin i mi thlauthlâk a ni naw am a nih? Aw Pathien, kan sipaihai kuoma hlak i suok ve ta si naw a.

¹¹A mi dotuhai thaw dingin mi ṭhangpui la; Mihriem ṭhangpuina chu teplo mei mei a ni si a.

¹²Pathien zârah huoitakin thawng ei ta, Ama chu a mi dotuhai sirdetu ding a ni si a.