Read Hmar INPÂKNA HLA BU 61 Bible Online

INPÂKNA HLA BU 61 - Hmar bible

INPÂKNA HLA BU 61

¹Hla ṭhuoitu ta dingin: ṭingṭanga sak mi. David Inpâkna Hla. Aw Pathien, ka khêk ri hi lo hre la, Ka ṭawngṭâina hi lo ngai rawh.

²Ka lungril a chau lai hin kâwlkila inthawk hin ko ka ti che; Lungpui keia nêka insânga chun mi ṭhuoi la.

³Nang chu keia ta dinga humhimna, A mi dotuhaia inthawka râlvêngbûk insâng dettak i ni si a.

⁴I puon ina chun kumkhuoin um ka ta, I thla hnuoi inbîkna hmuna chun tlulût ka tih.

⁵Aw Pathien, nang chun ka thutiemhai i ngai si a, I hming ṭituhai ram hluo chu i mi pêk a.

⁶Lal dam sûng hi suksei i ta, A kumhai chu suon tamtak tluk nîng a tih.

⁷Pathien hmaah kumkhuoin um zing a tih, Aw, ama humhim theina dingin ngilneina le thutak buotsai rawh.

⁸Chuongchun, ka thutiemhai ni tina ka thaw sawng theina dingin, Kumkhuoin i hming inpâkin hla sak ka tih.