Read Hmar INPÂKNA HLA BU 63 Bible Online

INPÂKNA HLA BU 63 - Hmar bible

INPÂKNA HLA BU 63

¹David Inpâkna Hla: Judai thlalêra a um laia mi. Aw Pathien, nang chu ka Pathien i na, zîngkâr zawng ka ti che; Ram ṭâwl chautak, tui um nawna hmuna hin, Ka hringna hi nangma ngaiin a dangchâr a, ka tisa hin a ngai che a nih.

²Chuong ang bawkin hmun inthienga chun ka en zing che kha, I thilthawtheina le i ropuina hmu dingin.

³I zainêmna hi hringna nêka a ṭhatlem leiin, Ka hmûr hin inpâk a ti che.

⁴Chuong ang chun ka dam sûng po po chun inpâk ka ti che a, I hmingin ka kuthai phar ka tih.

⁵Ka hringna hi thlin le thâua khawp angin khawp a ta, Ka bau hin hlim hmûr putin inpâk bawk a ti che.

⁶Ka khumlaizâwlah ka hriet zing che a, Zâna i chungchâng thu ka suongtuo lai chun.

⁷Nang chu a mi ṭhangpuitu i ni si a I thla hnuoia chun hlimin hla ka sak ding a nih.

⁸Ka hringna hin a zui tlat che a, I kut changtiengin i mi kei hlak.

⁹Ka hringna sukbo tuma zawngtuhai ruok chu, Hnuoi hmun hnuoi hnungahai chun lût an tih.

¹⁰Kâwlhnâm thilthawtheina kuoma pêk nîng an ta, Sihalhai chan ni tâng an tih.

¹¹Lal ruok chu Pathienah hlim a ta, Ama sâla inkhâm taphawt chun ama chu suong an tih; Khêl hril hmanghai bau chu hipin a um ding a ni si a.