Read Hmar INPÂKNA HLA BU 65 Bible Online

INPÂKNA HLA BU 65 - Hmar bible

INPÂKNA HLA BU 65

¹Hla ṭhuoitu ta dingin: Inpâkna Hla. David Hla. Aw Pathien, Ziona chun inpâknain a nghâk zing che, Thutiem chu i kuoma chun hlen nîng a tih.

²Aw ṭawngṭâina ngaitu, I kuomah tisa po po chu hung an tih.

³Rîtlonahai chun a mi hne hlak dea chu, Kan bawsietnahai po chu nangin sâwpfai i tih.

⁴Mi, i biekin inhuonna sûng tuollaia um thei dinga, I thlanga, i kuom tieng i înpantir chu a hamṭha: I in ṭhatna chun tlai kan ta, I biekin hmun inthieng ṭhatna chun.

⁵Aw a mi sandamtu Pathien, Thil râpthlâktakhaiin keini mi hung dawn i tih, Nang kâwlkawdawnga mi po po le, Tuisuoriet chung hlataka umhai iring chu i nih.

⁶Thilthawtheinaa tâia inkhita, Mâni hrâtnaa tlânghai sukhnîng hlaktu chu i nih;

⁷Tuisuoriet inri hum hum, a fâwn inri hum humhai le, Mi tin sa mur mur sukre hlaktu chu i nih.

⁸Kâwlkawdawnga umhai khawm chun i inhriettirna chu an ṭi hlak a, Zîngtieng le zântieng suoknahai chu hlimin în khêktir hlak a;

⁹Hnuoi hi i kan a, tuiin i châwm a, Nasatakin i sukṭha hlak: Pathien vadung chu tuiin a sip a, Hnuoi hi chuong anga i buotsai hnung chun an ta dingin bu i siempêk hlak.

¹⁰A changkuonghai chu tui tamtakin i châwm a, A changkuong tlânghai chu i sukdên a, Ruotuiin i suknêm a, A thil mâwnghai chu mal i sâwm hlak.

¹¹Kum chu i ṭhatna în khumtir a, I lampuihai chu thil ṭhain a far hlak.

¹²Thlalêra ran tlatna hmunahai chun a far a, Tlânghai khawm chu hlimnaa khuop vêlin an um a.

¹³Ran tlatna hmunhai chu ran ruolin a dâpin a dâp a, Ruomhai khawm chu buin ân zâwl hmur a; Hlimin an khêk a, hla an sak bawk a.