Read Hmar INPÂKNA HLA BU 67 Bible Online

INPÂKNA HLA BU 67 - Hmar bible

INPÂKNA HLA BU 67

¹Hla ṭhuoitu ta dingin: Ṭingṭang chi tum tuma sak mi. Inpâkna Hla. Hla. Pathienin mi lunginsiet sienla, mal mi sâwm sienla; A hmêl chu ei chungah hung invartir raw se.

²I lampui chu hnuoi chunga mi hriet a ni thei a; I sandamna chu hnam tinrêng laia hriet a ni theina dingin.

³Aw Pathien, mi tinin inpâk sienla che, Mi tinrênghai chun inpâk raw hai se che.

⁴Aw, hnam tin chu lâwmtaka umin, hlimin hla sak raw se. Nangin mi tin chu thlierbîk nei lova ro rêlpêkin: Hnuoi chunga hnam tin chu i awp ding a ni si a.

⁵Aw Pathien, mi tinin inpâk sienla che, Mi tinrênghai chun inpâk raw hai se che.

⁶Hnuoi hin a thil ṭo chu a pêk a, Pathien, eini Pathien ngei chun mal mi sâwm a ta.

⁷Pathienin mal mi sâwm a ta, Kâwlkawdawnga mi po po khawmin ama ṭîng an tih.