Read Hmar INPÂKNA HLA BU 75 Bible Online

INPÂKNA HLA BU 75 - Hmar bible

INPÂKNA HLA BU 75

¹Hla ṭhuoitu ta dingin: Al-tashhetha sak ding. Asaph Inpâkna Hla. Hla. Aw Pathien, lâwmthu kan hril che, Lâwmthu kan hril che, i hming a hnai si a; Mihaiin i thilmakthaw thuhai chu an hril hlak.

²Hun ruot chu ka hmu pha chun, Indiktakin ro rêl ka tih.

³Hnuoi le a chunga um po pohai chu an intuihmang zo tah: Keiin a banhai chu ka phun a nih.

⁴Mi uonghai kuoma chun, “Iengleangin um naw ro,” ka ti a, Mi rilohai kuomah, “In ki suksâng naw ro,” ka ti bawk a.

⁵In ki chu chungtieng suksâng naw unla, Rîng tlûn pumin ṭawng naw ro.

⁶Suksângna chu saktienga inthawk a ni nawh, thlangtienga inthawk a ni bawk nawh. Simtienga inthawk hlak a ni bawk nawh.

⁷Pathien chu rorêltu a ni lem: Ama chun pakhat a suktlâwm a, pakhat a suksâng hlak.

⁸LALPA kuta chun no a um si a, a uoin chu a phul a, Thil dang le chawkpawlin a sip a, chutaka inthawk chu a bunsuok a. Matheilovin a nenghai chen chun hnuoia mi rilohai chun dâwn fai rêt an tih.

⁹Nisienlakhawm, kei chun chu kumkhuoin inhriettir ka ta, Jakob Pathien chu inpâkin hla sak ka tih.

¹⁰Mi rilohai ki po po khawm chu tanpêk ka ta, Mi felhai ki ruok chu suksângin um a tih.