Read Hmar INPÂKNA HLA BU 8 Bible Online

INPÂKNA HLA BU 8 - Hmar bible

INPÂKNA HLA BU 8

¹Hla ṭhuoitu ta ding: Gittith le sak ding. David Inpâkna Hla Aw LALPA, kan LALPA, Hnuoi chung po poa hin i hming chu a va ṭha de! I ropuina chu vân chungahai khin i sie a.

²I hmêlma le phubalatu sukdeina dingin, Nangma dotuhai lei chun, Nautehai le nêne ne laihai bau suok chun hrâtna i sukdet a.

³I vân, i kutsuokhai, Thla le arasi i ruothai khi ka ngaituo châng chun,

⁴Mihriem hi ieng am a na, i hriet zing hlak a na? Mihriem naupa khawm hi ieng am a nih a i kan hlak a na? ka ti hlak.

⁵Ama chu Pathien nêka inhnuoi deu chauin i siem a, Ropuina le chawimawina în khumtir si a.

⁶I kutsuokhai chunga hin thu în neitir a; A ke hnuoiahai iengkim i sie a:

⁷Berâm le bâwnghai po po leh, Anih, ramsahai khawm chu;

⁸Chunglêng vate le tuipui ngahai, Tuipui lampuia fehai po leh;

⁹Aw LALPA, kan LALPA, Hnuoi chung po poa hin i hming a va ṭha de!