Read Hmar INPÂKNA HLA BU 93 Bible Online

INPÂKNA HLA BU 93 - Hmar bible

INPÂKNA HLA BU 93

¹ LALPA chu lalah a ṭhung a, a ropuinain ân thuom a, LALPA chu ân thuom a, hrâtnain a kâwngah ân khit ta a: Khawvêl khawm hi ân hnîng thei nawna dingin sukdetin a um a.

²I lalṭhungpha chu tiena inthawka lo sukdet tah a na, Nang chu chatuona um tah i nih.

³Aw LALPA, vadungpuihai chun an insuo a, Vadungpuihai chun an râwl an insuo a. Vadungpuihai chun an ri nasatak chu an insuo a.

⁴Tui tamtakhai râwl nêkin, Tuisuoriet fâwn hrâttakhai nêk khawmin, Chungtienga LALPA chu a hrât a nih.

⁵I thuinhriettirhai chu ring a um êm êm a, Aw LALPA, kumkhawtluongin, Inthiengna hi i in leh ân mawi a nih.