Read Hmar INPÂKNA HLA BU 99 Bible Online

INPÂKNA HLA BU 99 - Hmar bible

INPÂKNA HLA BU 99

¹LALPA chu lalah a ṭhung a, mi tin chu inthin raw se, Ama chu cherubhai chungah a ṭhung a, hnuoi hi inhnîng raw se.

²LALPA chu Zion khaw sûnga chun ropuitak a na, Mi tinrênghai chunga chun a chunghnung dai a nih.

³Anni chun i hming ropuitak, ṭîumtak chu inpâk raw se, Ama chu ân thieng a nih.

⁴Laltak hrâtna chun rorêlna a ngaina a, Nang chun thlierbîk nei nawna i sukdet hlak a, Nang chun Jakobrawihai chungah ro i rêl a, feltakin i thaw hlak a.

⁵LALPA ei Pathien chu chawimawi unla, A ke innghatna bula chun chibai bûk ro, Ama chu ân thieng a nih.

⁶A thiempuhai lai chun Mosie le Aron, A hming lamtuhai laia chun Samuel, Anni chun LALPA chu an ko a, ama chun a dawn ta a.

⁷Sûm ngîra chun an kuomah thu a hril a, A thuinhriettirhai le thuruot a pêk chu an zâwm a.

⁸Aw LALPA, kan Pathien, nang chun anni chu i dawn a, Nang chu anni ngaidamtu Pathien i nih, An thilthaw chungahai phuba la hlak la khawm.

⁹LALPA ei Pathien chu chawimawi unla, A tlâng inthienga chun chibai bûk ro; LALPA ei Pathien chu ân thieng si a.