Read Hmar THUVARHAI 9 Bible Online

THUVARHAI 9 - Hmar bible

THUVARHAI 9

¹Varna chun a in chu a bâwl a, A lungban pasarihai chu a phun ta a.

²A ranhai chu a that a, a uoin chu a chawkpawl ta a, A dawkân khawm chu a siemrêl ta bawk a.

³A nunghâkhai chu a tir suok a, Khawpui hmun insângtakhaia chun an khêk a,

⁴“Tukhawm mi mâwl chu hi tieng hin hung raw se,” tiin. Hrietthiemna boa um ta ding chun, a kuomah a hril a,

⁵“Hung la, ka bei hung fa la, Ka uoin chawkpawl chu hung dâwn rawh.

⁶Nang mi mâwl, mâwlna chu mâksanin khawsa la, Hrietthiemna lampui chu hung hraw rawh,” tiin.

⁷Hmusittu siemṭhatu chun inzakna a hmu hlak a; Mi khawhlo kâwktu chun kut thlâkna a tuok hlak.

⁸Hmusittu chu kâwk naw rawh, chuong naw chun, theida rawi a ti che. Mi var chu kâwk la, ama chun hmangai a ti che.

⁹Mi var kuoma chun inchûktirna pe la, ama chu hung var nâwk sawt a ta, Mi fel chu inchûktir la, ama chu thiemnaa chun hung pung a tih.

¹⁰ LALPA ṭi chu varna bul a nih, Mi Inthieng hrietna chu hrietthiemna bul a ni bawk.

¹¹Keimaa chun i nihai chu belsa nîng a ta, I dam sûng kumhai chu sukpung nîng an tih.

¹²I var chun, nangma ta dinga var i na, I hmusit chun, nangma ngeiin phur i tih.

¹³Nuhmei invêt chu a hmûr a thiem a, Ama chu a mâwl a, iengkhawm a hriet nawh.[20]

¹⁴A in kawtkhâra chun a ṭhung a, Khawpui hmun insânghaia ṭhungnaa chun,

¹⁵Mi fe inlawnhai ko dingin, Chuong an lampuia fe peihai chu,

¹⁶“Tukhawm mi mâwl chu, hi tieng hung raw se,” tiin. Hrietthiemna boa um ta ding chun a hril a:

¹⁷“Tui inrûkhai chu a thlum a, Fienriela bei fâk chu ân hnik bawk a,”tiin.

¹⁸Amiruokchu, mithihai[21] chu chutaka chun an um ti a hriet naw a, Amanu mikhuolhai khawm chu Seol lipuia chun an um ti a hriet bawk nawh.