Read Hmar ISAI 4 Bible Online

ISAI 4 - Hmar bible

ISAI 4

¹Chun, chu ni chun nuhmei pasariin pasal pakhat chel an ta, “Keini bu fâng kan ta, keini silfên inbel kan tih, i hming chau mîn puttir la; kan hming sie hi mîn khumpêk rawh,” tîng an tih.

²Chu ni chun LALPA kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawitakin um a tih.

³Chun, Ziona la um le, Jerusalema la umhai chu inthieng ti ni tâng an tih, Jerusalema a la damhai laia hming ziekhai po po chu:

⁴LALPAIN rorêlna thlarau le kângna thlaraua Zion naunuhai inthieng nawna chu a sâwpfai hnung le Jerusalem thisen chu a sûnga inthawka a sâwpfai hnunga chun.

⁵Chun, LALPAIN Zion tlânga umna po po chunga le a inkhâwmpuihai chunga chun sûnah sûm le meikhu, zânah meichawk var siempêk a tih: ropuina po po chunga chun iengkhat zar a um ding a ni si a.

⁶Sûna chun nisa sat hlietu ding le thlipui le ruopuia inthawka inhumhimna le inbîkhmangna ding hmun dinga bâwktê nîng a tih.