Read Hmar LEVI DÂN 12 Bible Online

LEVI DÂN 12 - Hmar bible

LEVI DÂN 12

¹ LALPA chun Mosie a biek a, “Israel mipuihai kuomah,

²‘Nuhmeiin nau a vawn a, naupasal a nei chun ni sari chu inthiengnaw nîng a ta; nuhmei dân pângngaia ân thiengnaw ang chun inthiengnaw nîng a tih.

³A ni riet ni chun a naupa ser hmawr vun chu tan ding a nih.

⁴Thisen lei chun inthienin ni sâwmthum pathum um a ta; a inthien ni a kim hmakhat chun thil inthieng hrim hrim a them ding a ni naw a, hmun inthienga khawm a hung lût ding a ni nawh.

⁵Naunuhmei a nei ruok chun nuhmei dân pângngai huna ân thiengnaw angin châwlkâr hni chu inthiengnaw nîng a tih; chun, thisen leia inthienin ni sâwmruk paruk a la um ta rawp ding a nih.

⁶“Chun, naupasal amanih, naunuhmei amani leia a inthienna ni a kim pha chun pumrawhmang thilinhlân dingin berâmte kum khat mi le suol inthâwina dingin pârvate amanih, vaṭhu amanih intuokna puon in kawtkhâr bulah thiempu kuomah a hung chawi ding a nih;

⁷ama chun LALPA hmaa chun inhlân a ta, intlanna siempêk a tih; chuongchun, a thisen suoknaa inthawk chun sukthieng ni tâng a tih. Hi hi naupasal amanih, naunuhmei amanih neitu ta dinga dân a nih.

⁸Chun, a neiin berâmte a tlin naw chun, vaṭhu tuok khat amanih, pârvate tuok khat amanih a chawi ding a nih: pakhat chu pumrawhmang thilinhlân dingin, pakhat chu suol inthâwina dingin; chun, thiempu chun intlanna siempêk a ta, chuongchun, inthieng ni tâng a tih,’ tiin hril rawh,” tiin.