Read Hmar EZEKIEL 15 Bible Online

EZEKIEL 15 - Hmar bible

EZEKIEL 15

¹Chun, LALPA thu chu ka kuomah a hung tlung a.

²“Mihriem naupa, grêphrui kûng, grêp hrui kâu ramhnuoi thing laia um ve bawk chu, thing dang nêkin ieng am a danglam bikna?

³Ieng ang sin khawm thawna dingin chutaka inthawk chun thing lâk suok thei a ni ding am a nih? Annawleh, mihaiin bûr le bêl, khaina dingin a kâute an lâk ding am a nih?

⁴Ngai ta, thing tia hmang dingin meia peilût a nih, a hmawr ve ve chu mei chun a kâng hmang a, a lai chu a hung kâng a; ieng sina ding khawma a ṭhahnem am a nih?

⁵Ngai ta, a pumpuia a um lai khawma ieng sina ding khawma a tlâktlai naw a, meiin a kâng hmang zo hnung lem chun a va tlâktlai naw nasa âwmin, a kâng hnung chun ieng sina dingin am tlâktlai tâng a ta!

⁶Chuleiin, Lalpa PATHIEN chun hieng hin a tih; Grêphrui thing chu ramhnuoia thing danghai laia meia ti dinga ka pêk angin; chuong ang bawk chun Jerusalem hluotuhai chu pêng ka tih.

⁷An chunga chun ka hmai innghat ka ta; meia inthawk chun fe suok sienkhawm mei bawkin anni chu kânghmang a tih; chun, chuonga anni chu ka hmai kân nghat pha chun LALPA chu ka nih ti mi hre tâng an tih.

⁸Chun, bawsietna thil chu an thaw leiin, ram chu râusanah siem ka tih, Lalpa PATHIEN chun a tih,” tiin.