Read Hmar EZEKIEL 36 Bible Online

EZEKIEL 36 - Hmar bible

EZEKIEL 36

¹“Chun, nang mihriem naupa, Israel tlânghai chungah thu hril la, hieng hin hril rawh, Nangni Israel tlânghai, LALPA thu chu hre ro.

²Lalpa PATHIEN chun hieng hin a tih; Hmêlma chun i chunga chun, ‘I hi! tienlaia bâwlhmunhai chu ei ta a ni tah,’ an ti khum che leiin;

³hril la, hieng hin ti rawh; Lalpa PATHIEN chun hieng hin a ti a nih; râusanah an lo siem ta che leiin le, sîr tina inthawk chun an lo lem ta che a, hnam la umhai ta dinga chan i ni theina dingin, thuhriltuhai hmûra chun i chuong a, mipuihai thuhril ṭha lo i lo ni tâk leiin;

⁴nangni Israel tlânghai, Lalpa PATHIEN thu chu lo ngai ta u; Tlânghai kuoma dâm, muolhai kuoma dâm, tui luongnahai kuoma dâm, phairuomhai kuoma dâm, khawpui mâksana um le suksieta râusana umhai kuoma dâm, an sîrvêla hnamhai la um sunhai ifâk zo le hrilsîma lo um tahai kuoma chun, Lalpa PATHIEN chun hieng hin a ti a nih;

⁵Lalpa PATHIEN chun hieng hin a tih: Matheilovin, hnam la um sunhai chunga le, Edom po po chungah ka thîkna meiin thu hril ngei ka ta; anni chun an lungril inhawi ti zâwng ang po poa nei dingin lungrila hmusitna le, fâk zoa um dinga pei suok el dingin ka ram chu an lo ruot ta a.

⁶“Chuleichun, Israel ram chungchâng thua chun thu hril la, tlânghai kuoma dâm, muolhai kuoma dâm, tui luongnahai kuoma dâm, phairuomhai kuoma dâm chun hril la; Lalpa PATHIEN chun hieng ang hin a tih; Ngai ta, hnam danghai biekrâwpna chu i lo phur tâk leiin, ka lunginsenna le ka itthîknain thu ka lo hril ta a;

⁷chuleiin, Lalpa PATHIEN chun hieng hin a tih: Khawhri be mihai nangni vêla umhai po po chun anni biekrâwpna anni ngeiin an phur ngei ding a nih, tiin, ka bân ka lo phar ta a.

⁸Nisienlakhawm, nangni, Aw Israel tlânghai, in kauhai chu inzâmdawktir in ta, in rahai chu ka mi Israelhai in pêk ding a nih; hung nghâl el ding an ni si a.

⁹Ngai ta u, kei chu in ta ding ka ni si a; in kuomah hung kîr ka ta, chun, inlet le chîng nîng in tih;

¹⁰chun, nangniah mihai, Israel sûngkuo po po chu, an rêng elin, sukpung ka ta, khawpuihai chu hluoin um an ta, hmun suksieta um tahai khawm chu siem nîng an tih;

¹¹in sûnga chun mihriem le sa khawm sukpung ka ta; pung an ta, ra hlâwk an tih; chun, a hmaa in lo um dân pângngai ang bawk khan hluoa um dingin siem ka ti che a, in um ṭantir lai nêk hman khan in chungah thaw ṭha lem ka tih; chun, LALPA chu ka nih ti mi hre tâng in tih.

¹²Anih, in chunga chun mihai inlâwntir ka ta, ka mi Israelhai ngei chun nei an ti che a, nang chu an rochan hung nîng i tih; chuongchun, chu chena inthawk chu an thlahai chu thisanin inumtir ta naw ti ni.

¹³Lalpa PATHIEN chun hieng hin a tih: I kuoma chun, ‘Nang ram mihriem fa zotu i na, i hnamhai chu sukrêmtu i nih,’ an ti che leiin,

¹⁴chuleiin, mihriem hrim hrim chu fa zo ta ngai naw ti ni a, i hnamhai khawm chu sukrêm ta ngai bawk naw ti ni, Lalpa PATHIEN chun a tih;

¹⁵chun, hnamhai inzakna chu inhriettir ta ngai bawk naw ning che a, hnamhai kâwkna chu phur ngai ta bawk naw ti ni; chun, i hnamhai chu insuithlu dingin siem nâwk ta ngai bawk naw ti ni, Lalpa PATHIEN chun a tih,” tiin.

¹⁶Chu nawa khawm chun LALPA thu chu ka kuomah a hung tlung a.

¹⁷“Mihriem naupa, Israel sûngkuo chu anni ram ngeia an chêng lai khan, an thil thawhai le an lampuihai chun an sukpawrche a; an lampui chu ka kuoma chun nuhmei ân siehran laia ân thieng nawna ang chu a nih.

¹⁸Chuleiin, ram chunga an lo bunthlâk thisen chunga chun ka lunginsenna chu ka bunthlâk a; an milimhaia an lo sukpawrche ta leiin;

¹⁹hnamhai laia chun ka sukdar ta a, rambunghaia chun an lo indar ta a; an um dân ang pei le, an thil thawhai ang peiin an chunga chun ro ka rêl a.

²⁰Chun, hnamhai laia an hung chun, an fena tieng tieng ka hming inthieng chu an sukpawrche a; chutaka chun mihai chun, ‘Hienghai hi LALPA mihai chu an na, a rama inthawka suokhai chu an nih,’ an ti a.

²¹Nisienlakhawm, Israel sûngkuohaiin an fena tieng tienga an sukpawrche tah, ka hming inthieng chu ka lunginsiet a.

²²“Chuleiin, Israel sûngkuo kuoma chun hieng hin hril la; Lalpa PATHIEN chun hieng hin a tih: Aw Israel sûngkuo, hi hi nangni leia thaw ka ni naw a, amiruokchu, ka hming inthieng, in fena tieng tienga hnamhai laia in lo sukpawrche ta lei khan a ni lem.

²³Chun, ka hming ropuitak chu, hnamhai laia sukpawrchea lo um tah, anni laia in lo sukpawrche ta chu sukthieng ka ta; chuongchun, hnamhai chun LALPA chu ka nih, ti mi hre tâng an tih, Lalpa PATHIEN chun a tih; an mithmua nangnia sukthienga ka um pha chun.

²⁴Hnamhai laia inthawk chun ṭhuoi ka ti cheu a, rambung po poa inthawkin kei khâwm ka ti cheu a, in rama ngei chun ṭhuoi ka ti cheu.

²⁵Tui inthieng chu thinkhum ka ti cheu a, inthieng tâng in tih; in inthiengnawna po poa inthawk le in milimhai po poa inthawkin sukthieng ka ti cheu.

²⁶Lungril thar pêng ka ti cheu a, thlarau thar nangniah sie bawk ka tih; chun, in taksaa inthawkin lungril lung ang chu la hmang ka ta, lungril taksa anga innêm pe lem ka ti cheu.

²⁷Nangnia chun ka thlarau sieng ka ta, ka thuruothai chu inhrawtir ka ti cheu a, ka thupêkhai chu zâwm in ta, thaw bawk in tih.

²⁸In thlatuhai kuoma ram ka pêka chun chêng in ta, nangni chu ka mihai nîng in ta, kei khawm in Pathien nîng ka tih.

²⁹Chun, in inthiengnawna po poa inthawkin sandam ka ti cheu a, chun, bu ko ka ta, sukpung ka ta, in chungah ṭâm inumtir naw ningah.

³⁰Thing rahai le hnuoi ra hlâwkhai chu sukpung ka ta, hnamhai laia chun ṭâm leia deusâwna tuok ta ngai naw ti niu.

³¹Chun, in lampui rilohai le, in thilthaw ṭha nawhai chu hre zing in ta; chuongchun, in tirdakumnahai le in suolnahai leiin in mithmu ngeia chun nangni le nangni chu inten in tih.

³²Hi thil hi nangni leia thaw ka ni nawh ti hi nangni ihriet ni raw se, Lalpa PATHIEN chun a tih; aw Israel sûngkuo, in um dânhaia chun buoi unla, inzak ro.

³³“Lalpa PATHIEN chun hieng hin a tih; In suolnahai po poa inthawka ka sukthieng ni cheu chun, khawpuihai chu hluoa um dingin siem ka ta, hmun se tahai khawm chu bâwl nîng an tih.

³⁴A fethlengtuhai mithmua râusana a lo um ta angin, ram râusana lo um ta khawm chu inlet nîng a ta.

³⁵Anni chun, ‘Ram râusana lo um ta hi, Eden huon ang a hung ni nâwk a; khawpui se tah, suksieta um taa râusana um tahai khawm chu hluo an ni tah,’ tîng an tih.

³⁶Chun, nangni vêla hnam mâksana la umhai po po chun kei LALPA ngei hin hmun se tahai chu ka bâwlin, râusana um tahai khawm ka tungding a nih ti hre tâng an tih; kei LALPA ngeiin ka hril ta a, thaw bawk ka tih.

³⁷“Lalpa PATHIEN chun hieng hin a tih; Hi hi dinga khawm hin, an ta dinga thawpêk dingin, Israel sûngkuo mi râwnin um bawk ka tih; anni chu berâm ruol angin mihriem sukpung ka tih.

³⁸Inthawina[36] dinga berâm ruol ang, a ruoiṭhena hun bia Jerusalema berâm ruol angin, khawpui se tahnunghai chu mihriema suksip nîng an ta, chun, LALPA chu ka nih ti mi hre tâng an tih,” tiin.