Read Hmar NAMBAR 25 Bible Online

NAMBAR 25 - Hmar bible

NAMBAR 25

¹Chuongchun, Israelhai chu Sittima an um lai chun, Moab naunuhmeihai an pâwl ta a;

²an pathienhai kuoma an inthâwinahaia chun an fiel tâwl a; Chuongchun, an fâk a, an pathienhai chu chibai an bûk ve ta a.

³Israelhai chun Baal-peor an pawm ve ta a, chuongchun, Israelhai chunga chun LALPA lung chu a chawk ta a.

⁴Chuongchun, Mosie kuomah, “Mipuihai ṭhuoituhai po po chu ṭhuoi la, LALPA lunginsenna ṭiumtak el chu Israelhai chunga inthawka ân kieng theina dingin sûn varah LALPA hmaah khaihlum rawh,” a ta.

⁵Chun, Mosie chun Israel rorêltuhai kuoma chun, “Baal-peor pawmtuhai po po chu sukhlum vawng ro,” a ta.

⁶Chun, ngai ta, Israel laia mi pakhatin intuokna puon in kawtkhâra a ṭap lai takin Mosie mithmua le Israel mi pungkhâwmhai mithmuah Midian nuhmei pakhat a unauhai kuomah a hung ṭhuoi a.

⁷Chun, thiempu Aron naupa Eleazar naupa Phinehas chun a lo hmu a, pungkhâwmhai laia chun a tho a, fei a lâk a;

⁸Chun, Israel mi chu puon in sûnga chun a hnawt lût a. Israel mi leh an pahni chun a sun thleng a, nuhmei chu a phîngah.

⁹Chuongchun, Israel mihai chunga hremna chu a re ta a. Chu hremnaa thihai chu sîng hni le sâng li an nih.

¹⁰LALPA chun Mosie a biek a,

¹¹“Thiempu Aron nau Eleazar naupa Phinehas hin ka thîkna anga anni laia a thîkna chun ka lunginsen chu Israel mihai laia inthawk chun a sukkieng a; chuongchun, ka thîkna chun Israel mihai chu sukbohmang naw ning.

¹²Chuleiin, ka remna thuthlung chu a chungah thlung ka ta,

¹³ama le a hnunga a thlahai ta dingin kumkhaw thiempu nina thuthlung nîng a tih; a Pathien ta dingin a thîk a, Israel mihai ta dinga inremna a siem leiin, ti rawh,” tiin.

¹⁴Israel mi an that, Midian nuhmei le an ithat hming chu Zimri, Simeon mihai laia an pahnam ṭhuoitu Salu naupa a nih.

¹⁵Chun, Midian nuhmei an ithat hming chu Kozbi, Zura naunu a nih; ama chu Midian mihai pahnam laia an hotu a nih.

¹⁶LALPA chun Mosie a biek a, “Midian mihai chu suklungzîng unla, sukbohmang ro.

¹⁷Anni khawma Peor chungchâng thua le Peor chungchâng thu a hrem nia an farnu, Midian mihai milien naunu an that,

¹⁸Kozbi chungchâng thua var vervêka an hlêm chêu ang khan an la hlêm ta rawp si chêu leiin,” tiin.