Read Hmar NAMBAR 26 Bible Online

NAMBAR 26 - Hmar bible

NAMBAR 26

¹Hremna chu a rê hnung chun LALPA chun Mosie le thiempu Aron naupa Eleazar chu a biek a.

²“Israel mi pungkhâwm po pohai chu, kum sâwmhni chen chungtieng, a chi chiin, Israel rama râl kâp thei chin chu tiem vawng ro,” tiin.

³Chuongchun, Mosie le thiempu Eleazar chun Jeriko zâwn, Jordan pang, Moab phaiah anni chu an biek a,

⁴“Mipuihai chu kum sâwmhni chin chungtieng tiem ro,” tiin, LALPAIN Mosie le Aigupta rama inthawka hung Israel mihai kuoma thu a pêk ang khan.

⁵Israel naulutîr Reuben; Reuben nau pasalhai; Hanok pahnama mi Hanok; Pallu pahnama mi Pallu;

⁶Hezron pahnama mi Hezron; Karmi pahnama mi Karmi.

⁷Hienghai hi Reuben pahnama mi chu an nih, tiem ta po chu sîng li sâng thum za sari le sâwmthum an nih.

⁸Pallu thla Eliab;

⁹Eliab thlahai chu; Namuel, Dathan, le Abiram an nih. Hieng Dathan le Abiram hai hi an nih LALPA an thaw laia Mosie le Aron thawtu Kora pâwla ṭhang pungkhâwmhai ithlanghai chu.

¹⁰Chu pâwl chu an thi lai chun hnuoiin a bâu a ka a, Kora hai le chun a lem ta a; Kora rawihai meiin mi za hni le sâwmnga a kâng hlum ṭum khan; chuonghai chu, inchikna a hung ni ta a.

¹¹Nisienlakhawm, Kora naupasalhai chu an thi nawh.

¹²An pahnam indawt dân ang peia Simeon thlahai; Namuel thlahai Namuel rawi, Jamin thlahai Jamin rawi;

¹³Jakin thlahai Jakin rawi; Jera thlahai Jera rawi; Shaul thlahai Shaul rawi an nih.

¹⁴Hienghai hi Simeon thlahai chu an nih, sîng hni sâng hni le za hni an nih.

¹⁵An pahnam indawt dân ang peia Gad naupasalhai: Zephon thlahai Zephon rawi; Haggi thlahai Haggi rawi; Suni thlahai Suni rawi;

¹⁶Ozni thlahai Ozni rawi; Eri thlahai Eri rawi;

¹⁷Arod thlahai Arod rawi; Areli thlahai Areli rawi an nih.

¹⁸Hienghai hi Gad naupasalhai thlahai nizât chu a nih, sîng li le za nga an nih.

¹⁹Juda naupasalhai Era le Onan an nih. Era le Onan chu Kanaan ramah an thi a.

²⁰Chun, Juda thlahai pahnam fe dân chun hieng ang hi a nih; Sela thlahai Sela rawi; Perez thlahai Perez rawi; Zera thlahai Zera rawi an nih.

²¹Perez thlahai chu: Hezron thlahai Hezron rawi; Hamul thlahai Hamul rawi an nih.

²²Hienghai hi Juda naupasalhai thlahai ni zât chu a nih, sîng sari sâng ruk le za nga an nih.

²³An pahnam indawt dân ang peia Issakar thlahai: Tola thlahai Tola râwi; Puva thlahai Puvarawi;

²⁴Jasub thlahai Jasubrawi; Simron thlahai Simron râwi an nih.

²⁵Hienghai hi an tiem dân anga Issakar naupasalhai thlahai ni zât chu a nih, sîng ruk sâng li le za thum an nih.

²⁶An pahnam indawt dân ang peia Zebulun thlahai: Sered thlahai Sered râwi; Elon thlahai Elon râwi; Jaleel thlahai Jaleel râwi an nih.

²⁷Hienghi Zebulun thlahai ni zât chu a nih, sîng ruk le za nga an nih.

²⁸An pahnam indawt dân ang peia Josef thlahai: Manasse le Ephraim;

²⁹Manasse thlahai; Makir thlahai chu Makir râwi, Makir chun Gilead a thla a. Gilead thlahai chu Gilead râwi an nih.

³⁰Chun, hienghi Gilead thlahai an nih: Iezer thlahai chu Iezer râwi; Helek thlahai chu Helek râwi;

³¹Asriel thlahai chu Asriel râwi; Sekem thlahai chu Sekem râwi; .

³²Semida thlahai chu Semida râwi; Hepher thlahai chu Hepher râwi an nih.

³³Chun, Hepher naupa Zelophehad chun naupasal nei lovin naunuhmei a nei a; Zelophehad naunuhmeihai hming chu Mahla, Noa, Hogla, Milka le Tirza an nih.

³⁴Hienghi Manasse thlahai an nih, an ni zât chu sîng nga sâng hni le za sari an nih.

³⁵Hienghi an pahnam indawt dân ang peia Ephraim thlahai an nih: Suthela thlahai chu Suthela rawi; Beker thlahai chu Beker rawi; Tahan thlahai chu Tahan rawi an nih.

³⁶Chun, hienghi Suthela thlahai chu an nih. Eran thlahai chu Eranrâwi an nih.

³⁷Hienghi Ephraim thlahai pahnam ni zât an nih; sîng thum sâng hni le za nga an nih. Hienghi an pahnam indawt dân ang peia Josef thlahai an nih.

³⁸An pahnam indawt dân ang peia Benjamin thlahai: Bela thlahai chu Bela rawi; Asbel thlahai chu Asbel rawi; Ahiram thlahai chu Ahiram rawi an nih.

³⁹Sesupham thlahai chu Sesupham râwi; Hupham thlahai chu Hupham râwi an nih.

⁴⁰Bela thlahai chu Ard le Naaman an nih. Ard thlahai chu Ard râwi; Naaman thlahai chu Naaman râwi an nih.

⁴¹Hienghi an pahnam indawt dân peia Benjamin thlahai an nih; an ni zât chu sîng li sâng nga le za ruk an nih.

⁴²Hienghi an pahnam indawt dân ang peia Dan thlahai an nih; Suham thlahai chu Suham rawi an nih. Hienghi an pahnam indawt dân ang peia Dan thlahai chu an nih.

⁴³Suhamrawi thlahai po po ni zât chu sîng ruk sâng li le za li an nih.

⁴⁴An pahnam indawt dân ang peia Aser thlahai chu: Imna thlahai chu Imna rawi; Isvi thlahai chu Isvi rawi; Beria thlahai chu Beria rawi an nih.

⁴⁵Beria thlahai chu: Heber thlahai chu Heber rawi; Malkiel thlahai chu Malkiel rawi an nih.

⁴⁶Aser nau nuhmei hming chu Sera a na.

⁴⁷Hienghi Aser naupasalhai thlahai ni zât chu a nih, sîng nga sâng thum le za li an nih.

⁴⁸An pahnam indawt dân ang peia Naphtali thlahai chu: Jazeel thlahai chu Jazeel rawi; Guni thlahai chu Guni rawi;

⁴⁹Jazer thlahai chu Jazer rawi; Sillem thlahai chu Sillem rawi an nih.

⁵⁰Hienghi an pahnam indawt dân ang peia Naphtali thlahai an nih; an tiem po hai chu sîng li sâng nga le za li an nih.

⁵¹Hieng hi Israel mihai an tiem po hai chu an na, nuoi ruk sâng khat za sari le sâwmthum an nih.

⁵²Chun, LALPA chun Mosie a biek a,

⁵³“Hienghai hi an hming tam dân ang hu peiin ram hi sempêk ding a nih.

⁵⁴A tam deuhai chu ram pe lien deu i ta, a tlâwm deuhai chu pe chîn deu i tih; an tam dân ang peiin ram chu pêk seng ding a nih.

⁵⁵Amiruokchu, aisânin ram chu sem ding a nih; an puhai hnam hming indawt dân ang peiin ram chu chang an tih.

⁵⁶Chun, aisân ang pei chun a tam le tlâwmhai kuoma khawm ram chu sem nîng a tih,” tiin.

⁵⁷Chun, hieng hi Levi mihai an pahnam indawt dân ang peia tiemhai chu an nih: Gerson thlahai chu Gerson rawi; Kohath thlahai chu Kohath rawi; Merari thlahai chu Merari rawi an nih.

⁵⁸Hienghi Levi thlahai an nih: Libna thlahai, Hebron thlahai, Mahli thlahai, Musi thlahai, Kora thlahai an nih. Kohath chun Amram a thla a.

⁵⁹Amram nuhmei hming chu Jokebed, Levi naunu, Aigupta rama Levi kuoma pieng a nih. Chun, ama chun Amram le chun Aron le Mosie le an farnu Miriam chu a nei a.

⁶⁰Aron chun Nadab hai, Abihu hai, Eleazar hai, Ithamar hai a nei a.

⁶¹Nadab le Abihu chu LALPA hmaa hmang lo ding chi mei an hmang lai khan an thi a.

⁶²Tiem po po pasal thla khat chin chungtieng chu sîng hni le sâng thum an nih. Israel mihai laia ram sem chang ve ding an ni naw leiin Israel mihai laia tiem an ni nawh.

⁶³Hieng hi a nih Jeriko zâwn, Jordan vapang, Moab phaia Israel mihai tiemtu Mosie le Eleazarin an tiemhai chu.

⁶⁴Nisienlakhawm, Sinai thlalêra Israel mihai Mosie le thiempu Aronin an tiemhai kha pakhat khawm a um an um ta nawh.

⁶⁵LALPA chun, “Thlalêrah an thi ngei ngei ding a nih,” a lo ti ta leiin. Jephunne naupa Kaleb le Nun naupa Josua chau naw chu tukhawm a dam an um ta nawh.