Read Hmar NAMBAR 33 Bible Online

NAMBAR 33 - Hmar bible

NAMBAR 33

¹Mosie le Aron inrawina hnuoia Israel mihai Aigupta rama inthawka a pâwl pâwla an suok a, an fe pei dân chu hieng ang hin a nih.

²LALPA thupêka an fe suok a, an fe peinahai chu Mosie chun a ziek a; an fe suok a, an fenahai indawt dân chu hieng hin a nih:

³Thla khatna, ni sâwmpanga ni, Fekân ruoiṭhe zo tûk chun, Ramesesa inthawkin Aigupta mihai mithmuah Israel mihai chu huoisen takin an fe suok a.

⁴Chu hun chu Aigupta mihai naulutir po po LALPAIN a sukhlumpêkhai an phûm lai a nih. LALPAIN an pathienhai chunga khawm a hremnain ro a rêl a.

⁵Chuongchun, Israel thlahai chu Ramesesa inthawk chun an suok a, Sukkothah umhmun an khuor a.

⁶Sukkotha inthawkin an suok a, thlalêr tawntira Ethama chun umhmun an khuor a.

⁷Ethama inthawk chun an suok a, Baal-Jephan bula Pi-hahiroth tieng an intawl kîr nawk a. Migdol bula chun umhmun an khuor a.

⁸Pi-hahiroth bula inthawk chu an suok a, tuipui an fe thleng a, thlalêrah an lût a, chun, Etham thlalêrah ni thum lam an fe a, Maraah umhmun an khuor a.

⁹Maraa inthawk chun an suok a, Elim an tlung a; Elima chun tuihnâr sâwmpahni le intûm kûng sâwmsari a um a; chutaka chun umhmun an khuor a.

¹⁰Elima inthawk chun an suok a, Tuipui Senah umhmun an khuor a.

¹¹Tuipui Sena inthawk chun an suok a, Sin thlalêra chun umhmun an khuor a.

¹²Sin thlalêra inthawk chun an suok a, Dophkaah umhmun an khuor a.

¹³Chun, Dophkaa inthawk chun an suok a, Alusa chun umhmun an khuor a.

¹⁴Alusa inthawk chun an suok a, Rephidimah umhmun an khuor a, chutaka chun mipuihai dâwn ding tui a um naw a.

¹⁵Rephidima inthawk chun an suok a, Sinai thlalêrah umhmun an khuor a.

¹⁶Sinai thlahêra inthawk chun an suok a, Kibroth-hattavaah umhmun an khuor a.

¹⁷Kibroth-hattavaa inthawk chun an suok a, Hazerothah umhmun an khuor a.

¹⁸Hazerotha inthawk chun an suok a, Rithmaa chun umhmun an khuor a.

¹⁹Rithmaa inthawk chun an suok a, Rimmon-pereza chun umhmun an khuor a.

²⁰Rimmon-pereza inthawk chun an suok a, Libnaah umhmun an khuor a.

²¹Libnaa inthawk chun an suok a, Rissaah umhmun an khuor a.

²²Rissaa inthawk chun an suok a, Kehelathaah umhmun an khuor a.

²³Kehelathaa inthawk chun an suok a, Sepher tlângah umhmun an khuor a.

²⁴Chun, Sepher tlânga inthawk chun an suok a, Haradaah umhmun an khuor a.

²⁵Haradaa inthawk chun an suok a, Makhelothah umhmun an khuor a.

²⁶Makhelotha inthawk chun an suok a, Tahatha chun umhmun an khuor a.

²⁷Tahatha inthawk chun an suok a, Teraa chun umhmun an khuor a.

²⁸Teraa inthawk chun an suok a, Mithkaah umhmun an khuor a.

²⁹Mithkaa inthawk chun an suok a, Hasmonaa chun umhmun an khuor a.

³⁰Hasmonaa inthawk chun an suok a, Moserothah umhmun an khuor a.

³¹Moserotha inthawk chun an suok a, Bene-jaakanah umhmun an khuor a.

³²Bene-jaakana inthawkin an suok a, Hor-hagidgadah umhmun an khuor a.

³³Hor-hagidgada inthawk chun an suok a, Jotbathaah umhmun an khuor a.

³⁴Jotbathaa inthawk chun an suok a, Abronaah umhmun an khuor a.

³⁵Abronaa inthawk chun an suok a, Ezion-geberah umhmun an khuor a.

³⁶Ezion-gebera inthawk chun an suok a, Zin thlalêrah umhmun an khuor a, chu chu Kades an ti bawk.

³⁷Kadesa inthawk chun an suok a, Edom ram dep Hor tlângah umhmun an khuor a.

³⁸Thiempu Aron chun LALPA thupêkin Hor tlânga chun a hang fe a, Israel thlahai Aigupta rama inthawka an hung suok kum sâwmli kum thla ngana, ni khat niin chutaka chun a thi a.

³⁹Chuongchun, Aron chu Hor tlânga a thi chun kum zâ sâwmhni pathum a nih.

⁴⁰Kanaan mi Kanaan ram simtienga um Arad lal chun Israel mihai hung chu a lo hriet a.

⁴¹Hor tlânga inthawk chun an suok a, Zalmonaah umhmun an khuor a.

⁴²Zalmonaa inthawk chun an suok a, Punonah umhmun an khuor a.

⁴³Punona inthawk chun an suok a, Obothah umhmun an khuor a.

⁴⁴Obotha inthawk chun an suok a, Moab ram sûnga Ije-abarimah umhmun an khuor a.

⁴⁵Ijima inthawk chun an suok a, Dibon-gadah umhmun an khuor a.

⁴⁶Dibon-gada inthawk chun an suok a, Almon-diblathaimah umhmun an khuor a.

⁴⁷Almon-diblathaima inthawk chun an suok a. Nebo bula Abarim tlângahai chun umhmun an khuor a.

⁴⁸Abarim tlânghaia inthawk chun an suok a, Jeriko zâwn Jordan vapang, Moab phaiah umhmun an khuor a.

⁴⁹Jordan vapang, Bethjesimotha inthawk a Abel-sittim chenin Moab phaiah umhmun an khuor a.

⁵⁰Chun, Jeriko zâwn Jordan vapang Moab phaia chun LALPAIN Mosie a biek a,

⁵¹“Israel mihai chu hril la, an kuomah ‘Jordan vadung in kai a,

⁵²Kanaan ram in lût pha chun, chu rama um po pohai chu hnawt suok vawng in ta, an lung milimhai po po chu sukse vawng in ta, an milim sunghai khawm sukse vawng in ta, an bâwlhmunhai khawm in ṭhiek vawng ding a nih;

⁵³chun, ram chu hluong in ta, chutaka chun um in tih; in hluo dingin ram chu ka pêk ta cheu a nih.

⁵⁴A hnam tam dân ang peiin aisânin ram chu hluong in ta, a hnam tam deuhai chu ram lien deu pêng in ta, a hnam tam naw deuhai chu ram chîn deu pêng in tih; aisâna a tlûkna taphawt chu an chanpuol nîng a ta; an pi le puhai chi fe dân ang peiin in hluo ding a nih.

⁵⁵Amiruokchu, chu rama umhai chu in hnawt suok naw chun in inumtirhai chu in mit ta dinga suntu le in pang ta dinga hling ang nîng an tih.

⁵⁶In umna rama chun suklungzîng an ti cheu. Chun, an chunga thaw ka lungril ang chu in chungah thâwng ka tih,’ ti rawh,” tiin.