Read Hmar 2 THESSALONIKA 3 Bible Online

2 THESSALONIKA 3 - Hmar bible

2 THESSALONIKA 3

¹A tâwp taka chun,unauhai, kan ta dingin mi ṭawngṭaipêk ro; Lalpa thu hi nangni laia a um ang khan, hrâttaka indara chawimawia a um theina ding le,

²mi kâwmaw le mi suolhai laia kan him theina dingin; mi po poin ringna an nei vawng si naw a.

³Amiruokchu, Lalpa chu ring a um a, ama chun sukdetin mi suolhai lai chun hum a ti cheu.

⁴Thu kan pêk taphawt cheu kha in zâwm hlak a, in la hung zâwm nâwk pei khawm Lalpaa chun kan ring cheu a nih.

⁵Chun, Lalpa chun in lungrilhai chu Pathien hmangainaa le, Krista selnaa chun ṭhuoi lût raw se.

⁶Chun, unauhai, kan kuoma inthawka thurosie an ihmu anga um lova, um ṭha nuom lo, unau tinrênghaia inthawk chun insiekieng dingin, ei Lalpa Isu Krista hmingin thu kan pêk cheu.

⁷Nangni ngeiin in mîn chûk ding dân in hriet si a, nangni lai dân naw angin kan châng naw kha.

⁸Tu kuta inthawk khawma in bu a thlâwnin kan fak ngai bawk naw a, nangni laia tukhawm kan sukkhâwk nawna ding cheuin, a sûn a zâna inrimtaka sin thaw pumin kan fâk lem a nih.

⁹Kan thei naw lei a ni naw a, nangnîn in mîn chûkna dingin, in mi enkhi dingin kan insiem lem a nih.

¹⁰In kuoma kan um lai khawm khan hi thu hi kan pêk cheu kha, “Tukhawmin sin a thaw nuom naw chun, fâk khawm fa naw raw se,” ti hi.

¹¹Nangni laia ṭhenkhat um ṭha nuom ngailohai chanchin ka hriet si a; chuonghai chun, sin hrim an thaw naw a, an intawi mei mei lem a nih.

¹²Chuongchun, chuonghai chu, to zinga sin thaw ding le, anni bu ngei fa dingin Lalpa Isu Kristaa chun thu pein kan infui a nih.

¹³Unauhai, nangni ruok chun thil ṭha thaw hi nghawk naw ro.

¹⁴Chun, tûkhawmin hi lekhathawna kan thu hi a zâwm naw chun, ama chu inchik unla, pâwl dêr naw ro, ân zak theina dingin.

¹⁵Nisienlakhawm, hmêlma ang chun ngai naw unla, unau angin kâwk lem ro. Lalpa chu in rênga kuomah um raw se.

¹⁶Chun, inremna Lalpa ngei chun kumkhuoin kawng tinrêngah inremna pe raw se cheu.

¹⁷Kei Paulain, keima kut ngeia chibai ka bûkna cheu a ni hi, hi hi ka lekhathawn tina inchikna a nih; hieng anga ka ziek hi.

¹⁸Ei Lalpa Isu Krista lunginsietna in rênga kuomah um raw se.