Read Hmar 1 TIMOTHE 2 Bible Online

1 TIMOTHE 2 - Hmar bible

1 TIMOTHE 2

¹Chuongchun, a tîrtakin thil hni ṭawngṭaina dâm, ṭawngṭaina hrim hrim dam, ṭawngṭaipêkna dâm, lâwmthu hrilna dâm mi po po ta dinga siempêk dingin kân fui che:

²lalhai le thuneituhai po po ta ding khawmin; Pathien ngaisak le inzaumtaka inrema thlamuonga ei khawsak theina dingin.

³Chu chu a mi Sandamtu Pathien ngaiin a ṭhain lâwm tlâk a nih;

⁴ama chun mi po po sandama um ding le thutak hre dingin a dit a nih. Pathien pakhat chau a um a.

⁵Pathien le mihriem inkârah Palai pakhat chau a um bawk a; ama chu mihriem, Krista Isu,

⁶mi po po intlanna dinga inpe chu a nih; chu chu a hun tak peia inhriettirin a um ding a nih;

⁷chu chu thaw dingin tlâng insampuitu le tirkoa ruot ka nih (thu tak tak ka hril a, kân khêl nawh); ringna le thutaka Jentailhai inchûktirtua ruot ka nih.

⁸Chuongchun, pasalhaiin hmun tinah kut inthieng pharin, lunginsen lo le insêl lovin ṭawngṭai hai sienla ka nuom a nih.

⁹Chuong ang bawkin, nuhmeihai khawm silfên mâwl tak leh, inchei taluo lovin, thuom inchawi tâwkin inthuom hai sienla, sam phierin amanih, rângkachakin amanih, lunghluin amanih, puon man tamtakhaiin amanih inchei lovin.

¹⁰Amiruokchu, nuhmei Pathien ngaisak intihai chu inphu tâwkin thil thaw ṭhatin inchei hai sien ka nuom.

¹¹Nuhmeiin thu awi tlatin to zingin inchûk raw hai se.

¹²Nuhmeiin a inchûktir chu phal a ni nawh; pasal chunga thu an nei ka phal bawk nawh; to zingin um lem raw hai se.

¹³Adam chu siem hmasak a na, chu hnunga chun Evi chu siem a ni si a.

¹⁴Chun, Adam chu hlêmin a um naw a, nuhmei ruok chu hlêmin a um a, bawsietnaah a tlu ta a.

¹⁵Nisienlakhawm, nuhmei chu ringna le hmangaina le, inthiengna neia lungril feltak puta a um chun, nau nei leiin sandamin um a tih.