Read Hmong Njua Chivkeeb 36 Bible Online

Chivkeeb 36 - Hmong Njua bible

Chivkeeb 36

¹Ntawm nuav moog yog Exaus cov xeebntxwv kws muaj dlua ib lub npe hu ua Edoos.

²Exaus moog yuav cov tuabneeg Kana-aas tej ntxhais lug ua quaspuj: Eloos kws yog tuabneeg Hitis tug ntxhais kws hu ua Adahes, hab Xinpe-oos kws yog tuabneeg Hivis tug tub Anas tug ntxhais kws hu ua Auhaulinpamas,

³hab Yisamayees tug ntxhais Npasemas kws yog Nenpayaus tug muam.

⁴Adahes yug tau Elifas, Npasemas yug tau Le-uyees

⁵hab Auhaulinpamas yug tau Ye-uses, Yalaas hab Kaulas. Taagnrho cov nuav puavleej yog Exaus cov tub kws yug huv lub tebchaws Kana-aas.

⁶Ces Exaus coj nwg cov quaspuj, cov tub, cov ntxhais hab taagnrho nwg tsev tuabneeg, nrug nwg tej tsaj txhu hab txhua yaam kws nwg khwv tau huv tebchaws Kana-aas, tsiv moog nyob rua ib lub tebchaws kws nyob dleb ntawm nwg tug kwv Yakhauj.

⁷Nwg tsiv moog vim lub tebchaws kws nwg hab Yakhauj ibtxwm nyob nqaim rua obtug heev, hab obtug muaj tsaj txhu coob txhaj ua rua obtug nyob tsi tau ua ke.

⁸Yog le ntawd, Exaus (kws yog tuabneeg Edoos) txhaj moog nyob rua peg lub laaj roob kws nyob peg tebchaws Xe-iles lawm.

⁹Ntawm nuav yog Exaus cov xeebntxwv kws yog cov tuabneeg Edoos cov yawmkoob kws nyob peg lub laaj roob peg tebchaws Xe-iles.

¹⁰Ntawm nuav yog Exaus cov tub tej npe: nwg tug quaspuj kws hu ua Adahes yug tau Elifaxes, hab nwg tug quaspuj kws hu ua Npasemas yug tau Le-uyees.

¹¹Elifas cov tub yog: Temaas, Aumas, Xefus, Nkatas, hab Kenaxes.

¹²Exaus tug tub Elifas tseem muaj ib tug nam yau hu ua Teenas. Teenas yug tau ib tug tub hu ua Amalej. Cov nuav puavleej yog Exaus tug quaspuj kws hu ua Adahes cov xeebntxwv.

¹³Le-uyees cov tub yog: Nahas, Zelas, Samas hab Mixexas. Cov nuav puavleej yog Exaus tug quaspuj kws hu ua Npasemas cov xeebntxwv.

¹⁴Exaus tug quaspuj kws hu ua Auhaulinpamas kws yog Xinpe-oos tug tub Anas tug ntxhais, yug tau peb tug tub rua Exaus: Ye-uses, Yalaas hab Kaulas.

¹⁵Ntawm nuav yog cov thawjcoj kws yog Exaus cov xeebntxwv. Exaus tug tub hlub Elifas yog yawmkoob ntawm cov thawjcoj nraag qaab nuav: Temaas, Aumas, Xefaus, Kenaxes,

¹⁶Kaulas, Nkatas hab Amalej. Cov thawjcoj nuav puavleej yog caajceg lug ntawm Elifas kws nyob huv tebchaws Edoos, hab yog Exaus tug quaspuj kws hu ua Adahes cov xeebntxwv.

¹⁷Exaus tug tub Le-uyees yog yawmkoob ntawm cov thawjcoj nraag qaab nuav: Nahas, Zelas, Samas hab Mixexas. Cov thawjcoj nuav puavleej yog caajceg lug ntawm Le-uyees kws nyob huv tebchaws Edoos, hab yog Exaus tug quaspuj kws hu ua Npasemas cov xeebntxwv.

¹⁸Cov thawjcoj nraag qaab nuav, puavleej yog caajceg lug ntawm Exaus tug quaspuj kws hu ua Auhaulinpamas kws yog Anas tug ntxhais: Ye-uses, Yalaas, hab Kaulas.

¹⁹Taagnrho cov thawjcoj nuav puavleej yog Exaus (kws yog tuabneeg Edoos) cov xeebntxwv.

²⁰Ntawm nuav yog Xe-iles kws yog tuabneeg Haulis cov tub, puab yog cov tuabneeg kws nyob huv lub tebchaws Edoos hab puab yeej ibtxwm nyob huv cheebtsaam ntawm. Xe-iles cov tub yog: Lautas, Saunpas, Xinpe-oos, Anas,

²¹Disoos, Exeles hab Disaas. Xe-iles cov tub kws nyob huv tebchaws Edoos puavleej yog cov tuabneeg Haulis cov thawjcoj.

²²Lautas cov tub: yog Haulis hab Hemaas. Teenas yog Lautas tug muam.

²³Sunpas cov tub: Alevas, Manahas, Enpales, Sefaus, hab Aunas.

²⁴Xinpe-oos muaj ob tug tub: Ayihas hab Anas. (Ntawm nuav yog Anas tug kws moog pum lub qhovdlej kub kws nyob tom roob mojsaab qhua, thaus nwg coj nwg txiv cov neeg luav moog noj zaub.)

²⁵Anas cov mivnyuas yog: Disoos hab Auhaulinpamas kws yog Anas tug ntxhais.

²⁶Disoos cov tub yog: Heedaas, Esenpaas, Ithalaas hab Khelaas.

²⁷Exeles cov tub yog: Npihaas, Xavaas, hab Akaas.

²⁸Disaas cov tub yog: Uxes hab Alaas.

²⁹Cov ntawm nuav yog cov Haulis tej thawjcoj: Lautas, Saunpas, Xinpe-oos, Anas,

³⁰Disoos, Exeles hab Disaas. Puab cov nuav puavleej yog cov Haulis cov thawjcoj, lawv le puab muab faib ua tej paab tej pawg, nyob huv lub tebchaws Xe-iles.

³¹Cov nuav yog cov vaajntxwv kws kaav lub tebchaws Edoos ua ntej cov Yixalayees muaj vaajntxwv.

³²Npe-ules tug tub Npelas ua vaajntxwv kaav tebchaws Edoos, nwg lub nroog hu ua Dihanpas.

³³Thaus Npelas tuag lawm, Zelas tug tub Yaunpas kws nyob huv Npauxelas ua vaajntxwv hloov nwg chaw.

³⁴Thaus Yaunpas tuag lawm, Husaas kws nyob huv tebchaws Temaas ua vaajntxwv hloov nwg chaw.

³⁵Thaus Husaas tuag lawm, Npedas tug tub Hadas, (Npedas yog tug moog tua yeej cov tuabneeg Midias huv lub tebchaws Mau-am,) lug ua vaajntxwv hloov nwg chaw. Nwg lub nroog hu ua Avithas.

³⁶Thaus Hadas tuag lawm, Xamelas kws nyob huv Malekas ua vaajntxwv hloov nwg chaw.

³⁷Thaus Xamelas tuag lawm, Sa-ules kws nyob huv Lehaunpaus, peg lub hauv dlej Efalates ua vaajntxwv hloov nwg chaw.

³⁸Thaus Sa-ules tuag lawm, Anpaus tug tub Npa-aas Hanas, ua vaajntxwv hloov nwg chaw.

³⁹Thaus Anpaus tug tub Npa-aas Hanaas tuag lawm, Hadas ua vaajntxwv hloov nwg chaw. Nwg lub nroog hu ua Pa-us, (nwg tug quaspuj hu ua Mehetanpees, yog Matales tug ntxhais hab yog Mexahas tug ntxhais xeebntxwv.)

⁴⁰Cov nuav yog cov thawjcoj kws yog Exaus cov xeebntxwv, lawv le puab caajceg tsev tuabneeg, puab tej chaw nyob, hab puab tej npe: Teenas, Alevas, Yethes,

⁴¹Auhaulinpamas, Elames, Pinoos,

⁴²Kenas, Temaas, Minpaxales,

⁴³Makediyees hab Ilames. Cov nuav puavleej yog cov tuabneeg Edoos cov thawjcoj.