Read Hmong Njua Yauj 15 Bible Online

Yauj 15 - Hmong Njua bible

Yauj 15

¹Elifas has tas, “Yauj, koj has lug tso ncua! koj tso ncua xwb!

³Yeej tsi muaj ib tug tuabneeg ntse has lug le koj has lossis has tej lug tsi muaj lub ntsab tseemceeb kws txaus luas yuav.

⁴Yog ua le kws koj has, yuav tsi muaj leejtwg fwm Vaajtswv; hab tsi muaj leejtwg thov Vaajtswv le.

⁵Koj tej kev phem kev qas ua rua koj has tej lug ko ntaag; koj khaws luas tej lug txawj ntse has xwb.

⁶Tsi taag kuv yuav rau txim rua koj le; tej lug kws koj has rov ua timkhawv tawmtsaam koj.

⁷“Koj yog thawj tug tuabneeg kws yug lug rua huv lub nplajteb nua los? Koj nyob ua ntej Vaajtswv tsim tej roob los?

⁸Koj puas tau nov tej kws Vaajtswv npaaj yuav ua? Puas yog tuabneeg txujkev txawj ntse yog koj le?

⁹Puas muaj ib yaam dlaabtsi kws koj paub kws peb tsi paub.

¹⁰Peb kawm kev txawj ntse lug ntawm tej laug kws plaubhau dlawb paug kws puab yug ua ntej koj txiv.

¹¹“Vaajtswv tub nplig koj sab; ua le caag koj tsi yuav? Tej kws peb has rua koj, tub yog lug mog lug muas ntaag.

¹²Ua le caag koj yuav ua ywj koj lub sab, hab has lug npautawg vog rua peb xwb?

¹³Koj chim rua Vaajtswv, koj txhaj has tej lug ko tawmtsaam nwg.

¹⁴“Yuav ua le caag tuabneeg txhaj ua tau zoo? Yuav ua le caag tuabneeg txhaj ua tau ncaaj nceeg taabmeeg Vaajtswv?

¹⁵Txawm yog Vaajtswv cov timtswv los nwg yeej tsi ntseeg sab; rua qhov cov timtswv los tub tsi ncaaj nceeg taabmeeg Vaajtswv.

¹⁶Tuabneeg haus kev phem kev qas ib yaam le haus dlej; qhov tseeb, tuabneeg yeej tsi ncaaj; tuabneeg yeej tsi muaj nqes le.

¹⁷“Yauj, nwgnuav koj ca le noog kuv has tej kws kuv paub.

¹⁸Tej tuabneeg txawj ntse yeej qha tej lug tseeb rua kuv, puab tau kawm tej kev txawj ntse ntawd lug ntawm puab txiv, puab qha txhua yaam rua kuv tsi zais le.

¹⁹Puab lub tebchaws yeej yog puab tug, lwm tsaav tuabneeg yuav tsi tuaj tsuj puab lub tebchaws.

²⁰“Tug tuabneeg sab phem kws tsimtxom lwm tug, nwg yuav raug luas tsimtxom moog taag nwg simneej.

²¹Nwg lub qhovntsej yuav nov tej suab quaj suab qw tsi tu, hab tubsaab yuav tuaj fuab nwg thaus nwg xaav has tas, nwg tau zoo nyob tso sab lug.

²²Nwg tsi muaj kev ca sab kws yuav tsiv dlim ntawm qhov tsaus ntuj, rua qhov muaj ib raab ntaaj tog rawv yuav tua nwg povtseg,

²³hab dlaav npoj los tog ntsoov yuav noj nwg lub cev. Nwg yeej paub nwg lub neej tom hauv ntej tsaus ntuj nti.

²⁴Kev puamtsuaj muaj fwjchim ib yaam le tug vaajntxwv kws tog rawv yuav tawmtsaam nwg.

²⁵“Tug tuabneeg kws tsaa teg tawmtsaam Vaajtswv hab twv tug kws muaj fwjchim luj kawg nkaus,

²⁶tug ntawd yog tuabneeg khaavtheeb hab ntxeev sab rua Vaajtswv; nwg muaj lub sab tawv tsaa nwg dlaim thaiv nav ntaaj dlha moog tawmtsaam Vaajtswv.

²⁸“Tug tuabneeg ntawd moog txeeb tej nroog hab tej tsev kws cov tswv tsiv lawm, tabsis yuav muaj tsuv muaj rog tuaj txeeb tej nroog hab fuab tej vaaj tse ntawd.

²⁹Nwg txujkev npluanuj yuav nyob tsi ntev; hab tej kws nwg khwv tau yuav tsi nyob moog ibtxhis. Txawm yog nwg tug dluab los yuav dlua moog,

³⁰hab nwg yuav tsiv tsi dlim kev tsaus ntuj le. Nwg yuav zoo ib yaam le tsob ntoo kws suavtawg kub tej ceg taag, hab cua ntsawj tej paaj yaa taag lawm.

³¹Yog nwg txujkev ruag ua rua nwg ca sab rua txujkev ua phem ua qas, ces nwg yuav tau kev phem kev qas ua nqe zug.

³²Nwg yuav ntsws ua ntej kws tsi tau txug nwg lub sijhawm, hab nwg yuav qhuav ib yaam le tug ceg ntoo kws hlaav tsi taug nplooj.

³³Nwg zoo ib yaam le tsob maab kws cov txiv zeeg thaus tsi tau sav; hab zoo ib yaam le tsob txiv ntoo roj kws tej paaj zeeg taag lawm.

³⁴Cov tuabneeg kws tsi fwm Vaajtswv yuav tsi muaj xeebntxwv, hab suavtawg yuav kub puab tej vaaj tse kws muab luas tej nyaj xab lug ua.

³⁵Puab yog cov tuabneeg kws tsim kev kub ntxhuv hab ua phem; puab lub sab npaaj rawv dlaag ntxag lwm tug.”