Read Hmong Njua Yauj 7 Bible Online

Yauj 7 - Hmong Njua bible

Yauj 7

¹Tuabneeg lub neej nyob huv nplajteb nuav zoo ib yaam le tug tubrog, hab tug tub zug kws luas ndlav ua num nyaav,

²hab zoo ib yaam le tej tubkhai kws ntshaw tug dluab ntxoov ntxoo kws laaj quas ntxag; hab zoo ib yaam le tej tub zug kws tog ntsoov nwg tej nqe zug.

³Kuv tog ib hlis dlhau ib hlis los tsi muaj ib yaam zoo rua kuv lub neej; tog ib mos dlhau ib mos los kuv tsuas muaj kev nyuaj sab xwb.

⁴Thaus kuv moog pw los mo ntev heev; kuv nti khuj khuav, laaj tog txug kaaj ntug.

⁵Muaj kaas thoob kuv lub cev; kuv dlaim tawv tu pleb qhuav nkig nkuav; hab ua paug mag tawm tuaj.

⁶Kuv lub caij nyoog dlhau moog zuj zug tsi muaj kev ca sab, hab dlhau moog ceev dlua tug nqog ntus ntaub.

⁷Vaajtswv, thov koj ncu ntsoov kuv, kuv txujsa tsuas ntev le ua ib paas xwb; kuv tej kev zoo sab tsi muaj taag lawm.

⁸Nwgnuav koj tseem pum kuv, tabsis koj yuav tsi pum kuv ntxiv lawm. Txawm yog koj nrhav kuv los yuav tsi pum kuv.

⁹Zoo ib yaam le tauv fuab kws yaaj taag lawm, tug tuabneeg tuag yeej tsi sawv rov lug ib zag le; txhua tug kws paub nwg yuav tsi ncu txug nwg le lawm.

¹¹Yog le ntawd, kuv yuav nyob tuabywv tsi tau! Kuv chim sab hab npautawg heev, kuv yuavtsum tau has xwb.

¹²Vim le caag koj zuv rawv kuv le? Koj xaav has tas, kuv yog ib tug zaaj nyob huv havtxwv nua los?

¹³Kuv xaav pw hab su kuas lug sav; kuv qhau cev pw saib kuv tej mob puas ntaug.

¹⁴Tabsis koj ua rua kuv ua npau suav ntshai heev; koj ua rua kuv ua ywgtoog hab ua npau suav phem

¹⁵ua rua kuv xaav npu paa tuag, ntshai zoo dlua ua neej nyob lub cev muaj mob lwj ntsuav le nuav.

¹⁶Kuv dlhuav heev; kuv tsi xaav ua neej nyob lawm. Tsi xob quavntsej kuv, kuv lub neej tsi muaj qaabhau lawm.

¹⁷Vim le caag koj txhaj muab tuabneeg saib tseemceeb? Vim le caag koj txhaj mob sab nwg?

¹⁸Koj tshuaj nwg txhua taagkig sawv ntxuv hab sim nwg sab txhua lub sijhawm.

¹⁹Thaus twg koj maam le tso tseg tsi saib kuv, kuv txhaj tau hloov paa nqog quavncaug?

²⁰Tug kws soj saib tuabneeg, yog has tas kuv muaj txim, kuv ua txhum dlaabtsi rua koj? Vim le caag koj muab kuv ua dlaim phaj rua koj sim? Kuv ua ib lub nraa nyaav rua koj los?

²¹Koj txawm zaam tsi tau kuv lub txim le? Koj txawm zaam tsi tau tej kws kuv ua txhum le? Tsi ntev kuv tub yuav moog rua huv kuv lub qhov ntxaa, thaus koj nrhav kuv yuav tsi pum kuv lawm.