Read Hmong Njua Phoo Ntawv Nkauj 114 Bible Online

Phoo Ntawv Nkauj 114 - Hmong Njua bible

Phoo Ntawv Nkauj 114

¹Thaus cov Yixalayees tawm huv tebchaws Iziv lug, thaus kws Yakhauj cov xeebntxwv tawm ntawm lwm tsaav tuabneeg moog lawm.

²Cov Yudas tau ua tug TSWV tsaav tuabneeg kws dlawbhuv, hab cov Yixalayees tau ua Vaajtswv tug.

³Havtxwv Lab, ca le qhuav thaus pum tug TSWV; tug Dlej Yauladees ca le tsi ndlwg thaus pum tug TSWV.

⁴Tej hauv roob dlha caws qa le tej laug yaaj; tej pov roob dlha tawg ncig leeg le tej mivnyuas yaaj.

⁵Havtxwv, vim le caag koj txhaj qhuav lawm? Hab tug Dlej Yauladees, vim le caag koj txhaj tsi ndlwg lawm?

⁶Tej hauv roob, vim le caag mej txhaj dlha caws qa le tej laug yaaj? Tej pov roob, vim le caag mej txhaj dlha tawg ncig leeg le tej mivnyuas yaaj?

⁷Thaus tug TSWV kws yog Yakhauj tug Vaajtswv lug, lub nplajteb ua zug koog taabmeeg nwg.

⁸Nwg yog tug Vaajtswv kws ua rua dlej tawm huv pobzeb lug; hab ua rua tej tug dlej ndlwg tawm huv roob tsuas lug.