Read Hmong Njua Phoo Ntawv Nkauj 12 Bible Online

Phoo Ntawv Nkauj 12 - Hmong Njua bible

Phoo Ntawv Nkauj 12

¹Tug TSWV, thov koj paab peb lauj! Tsi tshuav ib tug tuabneeg kws ua zoo seem nyob qhov twg le! Cov tuabneeg kws ncaaj nceeg tub pluj taag lawm.

²Puab ib leeg dlaag ib leeg; puab ib leeg ntxag ib leeg ntawm tej lug mog lug muas.

³Tug TSWV, thov koj muab tug nplaig kws txawj dlaag ntxag txav, hab ntsaws lub qhovncauj kws has lug khaavtheeb has tas,

⁴“Peb xaav tau yaam twg, peb yeej tau yaam ntawd. Peb yuav has lawv le peb lub sab nyam los yeej tau, peb xaav yuav yaam dlaabtsi los tsi muaj leejtwg txwv peb le.”

⁵Tug TSWV has tas, “Kuv yuav lug taamsim nuav ntaag, rua qhov cov tuabneeg txomnyem raug tsimtxom nyaav heev hab cov tuabneeg nyuaj sab quaj tu sab kawg le. Kuv yuav muab txujkev kws nyob tso sab lug kws puab tub tog lug ntev lawm rua puab.”

⁶Tug TSWV tej lug cog tseg, yog tej kws ca sab tau, tej lug ntawd muaj nqes ib yaam le tej nyaj kws nchuav tawm huv lub yeejvub xyaa zag lug.

⁷Cov tuabneeg sab phem nyob txhua qhov hab txhua tug puavleej nyam ua phem ua qas. Tug TSWV, thov tiv thaiv peb kuas peb tau kev kaaj sab, hab tsomkwm peb kuas dlim ntawm cov tuabneeg sab phem.