Read Hmong Njua Yelemis 2 Bible Online

Yelemis 2 - Hmong Njua bible

Yelemis 2

¹Tug TSWV kuas kuv

²coj cov lug nuav moog has rua lub nroog Yeluxalees has tas, “Kuv ncu ntsoov thaus koj tseem hluas koj muab sab npuab kuv; thaus wb nyavnyuas sis yuav koj hlub kuv heev koj lawv kuv qaab lug hlaa taj suabpuam, hab lug hlaa lub tebchaws kws tsi muaj leejtwg cog qoobloo le.

³Yixalayees, koj yog kuv tug xwb; koj yog kuv thawj cov qoobloo; kuv tso kev puamtsuaj hab kev txomnyem lug raug cov tuabneeg kws ua phem rua koj; kuv yog tug TSWV kws has le ntawd.”

⁴Tug TSWV has tas, “Cov Yixalayees txhua xeem kws yog Yakhauj cov xeebntxwv, mej ca le noog kuv tej lug.”

⁵Tug TSWV has tas, “Mej cov yawmkoob pum kuv ua txhum dlaabtsi, puab txhaj le tsiv ntawm kuv moog lawm? Puab moog pe tej mlom kws tsi muaj qaabhau, txhaj ua rua puab tsi tseemceeb lawm.

⁶Kuv cawm puab dlim nraag tebchaws Iziv lug; kuv coj puab hlaa taj suabpuam kws yog taj xuabzeb, muaj qhov ntuj hab yog lub tebchaws qhuav nkig nkuav, tuag tshaib tuag nqhes, tsi muaj tuabneeg nyob hab hlaa lub tebchaws ntawd le. Txawm le ntawd los puab tsi muab sab npuab kuv le.

⁷Kuv coj puab lug nyob huv lub tebchaws kws aav rog hab zoo qoob, kuas puab txhaj tau noj tej txiv maab txiv ntoo hab txhua yaam kws zoo. Tabsis puab lug ua rua kuv lub tebchaws lamsim taag; puab ua rua lub tebchaws kws kuv muab rua puab tsi huv lawm.

⁸Cov povthawj los tsi quavntsej nug txug kuv has tas, ‘Tug TSWV nyob qhov twg lawm?’. Kuv cov povthawj tsi leeg paub kuv lawm. Cov numtswv ntxeev sab rua kuv, kuv cov cevlug tuav Npaa-aas lub npe cevlug rua suavdlawg; hab puab moog pe tej mlom kws tsi muaj nqes.”

⁹“Yog le ntawd, kuv kws yog tug TSWV txhaj nrug kuv tsaav tuabneeg ua plaub, kuv yuav kom puab cov xeebntxwv.

¹⁰Mej ca le moog kuas txug tim koog povtxwv Xaipas kws nyob saab nubpoob; hab ca le khaiv tuabneeg moog rua tim lub tebchaws Kedas kws nyob saab nubtuaj. Mej yuav pum has tas yeej tsi tau muaj tej xwm le nuav ib zag le?

¹¹Tsi muaj ib tsaav tuabneeg twg nyob huv nplajteb nuav, tso puab tej vaajtswv tseg; txawm yog tej ntawd tsi yog vaajtswv tag los puab yeej tsi tso tseg le. Kuv yog tug Vaajtswv kws ua rua kuv tsaav tuabneeg tau ntsejmuag, tabsis puab tso kuv tseg moog pe tej vaajtswv kws paab tsi tau puab.

¹²Yog le ntawd, kuv txhaj has kuas lub ntuj qeeg ua zug koog ua rua txaus ntshai hab xaav tsi thoob,

¹³rua qhov kuv tsaav tuabneeg tau ua ob yaam kev txhum; puab tso kuv kws yog lub qhov dlej txhawv tseg, hab puab moog khawb dlua ib cov qhovdlej; tabsis tej qhovdlej ntawd tawg pleb dlej xaw taag lawm.

¹⁴“Yixalayees tsi yog tug ua luas qhev; nwg tsi yog tug kws yug lug ua luas qhev, vim le caag nwg cov yeebncuab pheej soj nraim nwg qaab?

¹⁵Tej yeebncuab nyooj lawg rua nwg ib yaam le tsuv ntxhuav nyooj; puab ua rua nwg lub tebchaws caj quavpoj hab nwg tej nroog puamtsuaj taag nphob xuav ca tsi muaj tuabneeg nyob.

¹⁶Cov tuabneeg kws nyob huv lub nroog Meefis hab Tapahes, tuaj muab nwg plaubhau chais dlo dlus.

¹⁷Yixalayees, koj lob tej xwm nuav rov lug raug koj! Kuv yog tug TSWV kws yog koj tug Vaajtswv. Kuv coj koj kev lug, tabsis koj tso kuv tseg lawm.

¹⁸Koj pheej yuav moog haus dlej huv tug Dlej Niles kws nyob rua nraag tebchaws Iziv ua dlaabtsi? Koj xaav has tas, koj ua le ntawd yuav muaj nqes rua koj nua los? Koj pheej yuav moog haus dlej huv tug Dlej Efalates kws nyob huv tebchaws Axilias ua dlaabtsi?

¹⁹Koj tej kev phem kev qas yuav ua rua koj raug kev puamtsuaj, hab qhov kws koj tso kuv tseg, yuav ua siv ua npug lug raug koj. Thaus koj raug kev txomnyem, koj yuav paub has tas, qhov kws koj tso tug TSWV kws yog koj tug Vaajtswv tseg txhum luj kawg le. Kuv yog tug TSWV kws kaav ib puas tsaav yaam hab muaj Fwjchim Luj kawg nkaus has le ntawd.”

²⁰Tug TSWV kws kaav ib puas tsaav yaam has tas, “Yixalayees, koj tsi ca kuv ua tug kaav koj lug ntev lawm; koj tsi noog kuv lug hab tsi xaav pehawm kuv. Tabsis koj moog ua namndlav rua ntawm tej chaw pe mlom, sau tej roob sab hab huv tej qaab ntoos.

²¹Kuv muab koj cog ib yaam le cog lub noob txiv maab kws zoo. Tabsis vim le caag koj txa ua tsob txiv maab qus kws tsi muaj nqes lawm?

²²Txawm yog koj muab tej tshuaj kws muaj zug npaum le caag lug ntxuav los kuv tseem pum koj qhov ceb, rua qhov koj lub txim lu rawv koj.

²³Koj yuav ua le caag has tau tas koj tsi tau ua rua koj lub cev tsi huv, hab tsi tau pe tug mlom Npa-aas le? Koj sim xaav saib, koj tau ua txhum npaum le caag nraag kwj haa lawm; koj ca le leeg paub tej kev txhum kws koj ua. Koj zoo ib yaam le tug maum ntxhuav qus kws nyob tsi tsheej chaw,

²⁴hab dlha raag rhi rua tom taj suabpuam. Thaus txug caij tshov lawm, leejtwg yuav muaj cuabkaav tswj tau nwg? Thaus ntawd tug txiv ntxhuav yuav phuv tau nwg yoojyim heev. Tug maum ntxhuav yeej ibtxwm ua le ntawd thaus lub caij tshov.

²⁵Yixalayees, koj tsi xob dlha ua rua kutaw hle tawv taag, hab ua qaa qhuav qhawv moog nrhav luas tej vaajtswv. Tabsis koj tseem has tas, ‘Tsi tau! kuv tsi rov qaab lug lawm. Kuv yeej nyam lwm tsaav tuabneeg tej vaajtswv, kuv yuav tsi tso tseg le.’ ”

²⁶Tug TSWV has tas, “Tug tubsaab kws luas nteg tau, nwg poob ntsejmuag le caag. Mej cov Yixalayees, tsi has cov vaajntxwv, cov numtswv, cov povthawj hab cov cev kuv lug yuav poob ntsejmuag ib yaam nkaus le ntawd.

²⁷Mej cov kws has tas tsob ntoo yog mej txiv hab lub pobzeb yog mej nam, mej txhua tug yuav poob ntsejmuag heev. Yeej yuav muaj tej xwm nuav lug raug mej, rua qhov mej tso kuv tseg hab tsi rov lug cuag kuv lawm, tabsis thaus mej raug kev txomnyem mej tseem tsaa ncauj thov kuv paab hab.”

²⁸“Tej vaajtswv kws mej puab rua mej pe nyob qhov twg? Yog tej ntawd cawm tau mej, ces thaus mej raug kev txomnyem, ca le hu tej ntawd lug paab mej! Cov Yudas, mej muaj ntau tug vaajtswv npaum le mej tej nroog!

²⁹Mej ywg kuv ua dlaabtsi? Vim le caag mej ntxeev sab rua kuv?

³⁰Kuv rau txim rua mej los mej tsi zeem; mej tsi ca kuv qhuab ntuag mej. Mej muab mej cov cevlug tua povtseg, mej nyaum ib yaam le tug tsuv ntxhuav ntaag.

³¹Cov Yixalayees, mej ca le tig pobntseg noog kuv tej lug. Kuv zoo ib yaam le lub taj suabpuam hab lub tebchaws kws ua siv ua npug rua mej los? Vim le caag mej has tas mej yuav ua lawv le mej sab nyam xwb, mej tsi xaav rov lug cuag kuv lawm?

³²Tug hluas nkauj yeej ncu ntsoov nwg cev zaam lossis tug nkauj nyaab yeej ncu ntsoov nwg cev tsoog kws naav txis tshoob. Tabsis kuv tsaav tuabneeg tsi ncu qaab kuv lug ntev suav tsi txheeb lawm.

³³Mej txawj ntxag kuas lwm tug nyam mej. Txawm yog tej quaspuj kws ua phem tshaaj los tseem tuaj kawm ntawm mej.

³⁴Mej tej rig tsho tsuas cov tuabneeg txomnyem hab cov tuabneeg kws tsi muaj txim tej ntshaav xwb, tsi yog tsuas tubsaab tej ntshaav le.” Tub muaj tej nuav los

³⁵“Mej tseem has tas, ‘Peb tsi muaj txim, tug TSWV yeej tsi chim rua peb.’ Tabsis kuv kws yog tug TSWV yuav rau txim rua mej vim mej has tas mej tsi tau ua txhum.

³⁶Vim le caag mej yuav hloov sab moog pe luas lwm tsaav tuabneeg tej vaajtswv sai ua luaj? Cov Iziv yuav ua rua mej tu sab nrho ib yaam le cov Axilias tau ua rua mej lawm.

³⁷Mej yuav tso cov Iziv tseg, mej yuav txaajmuag tsi muaj cuabkaav tsaa qhovmuag saib leejtwg. Kuv yog tug TSWV, kuv tsi leeg paub tej tuabneeg kws mej ca sab rua, puab yuav paab tsi tau mej le.”