Read Hmong Njua Teev Npe 13 Bible Online

Teev Npe 13 - Hmong Njua bible

Teev Npe 13

¹Tug TSWV has rua Mauxes has tas,

²“Xaiv kaum ob tug thawjcoj ntawm ib xeem ib tug hab tso puab moog soj lub tebchaws Kana-aas kws kuv tub muab pub rua cov Yixalayees lawm.”

³Mauxes noog tug TSWV lug, nwg txhaj tso cov thawjcoj kws muaj npe lawv le nuav tawm huv taj mojsaab qhua Palaas moog: [Xeem] — [Tug Thawjcoj Npe] Lunpees yog Xakus — tug tub Samuas Xime-oos yog Haulis — tug tub Safas Yudas yog Yefunes — tug tub Kalej Ixakhas yog Yauxej — tug tub Ikas Efalayees yog Noos — tug tub Hauseyas Npeenyamees yog Lafus — tug tub Patis Xenpuloos yog Xaudis — tug tub Nkadiyees Manaxes yog Xuxis — tug tub Nkadis Daas yog Kemalis — tug tub Amiyees Aseles yog Mikhayees — tug tub Xethus Nathalis yog Vausis — tug tub Nanpis Khas yog Makhis — tug tub Nkuyees

¹⁶Cov tuabneeg kws muaj npe sau nuav yog cov kws Mauxes tso moog soj lub tebchaws Kana-aas. Nwg tis dlua ib lub npe rua Noos tug tub Hauseyas hu ua Yausuas.

¹⁷Thaus Mauxes khaiv puab moog soj lub tebchaws nwg has rua puab tas, “Mej ca le moog rua tim tebchaws Kana-aas yaav qaabteb, hab moog soj txhua nrho huv lub tebchaws hab sau tej roob.

¹⁸Moog saib saib lub tebchaws ntawd zoo le caag, muaj tuabneeg coob npaum le caag nyob huv, hab puab muaj zug npaum le caag.

¹⁹Hab saib saib lub tebchaws ntawd zoo lossis phem, hab cov tuabneeg ntawd nyob ua zej ua zog lossis nyob huv tej nroog kws xov ntsaa yeej thaiv khov kho.

²⁰Mej saib saib aav puas zoo qoob los tsi zoo hab puas muaj haav zoov los tsi muaj. Hab ncu ntsoov dle qee yaam txiv nqaa lug rua suavdlawg saib.” (Lub caij ntawd yog lub caij kws txiv maab taabtom sav.)

²¹Yog le ntawd, puab txhaj moog rua tim hab soj lub tebchaws txij ndlua ntawm taj mojsaab qhua Xees moog txhua nrho saab qaabteb moog rua peg Lehaus kws nyob ze lub Dlawm Hamas saab qaumteb.

²²Puab xub moog rua saab qaabteb hab lug txug rua huv lub nroog Henploos, yog lub nroog kws cov Ahimas, cov Sesais hab cov Talemais nyob. Cov tuabneeg nuav yog cov tuabneeg Anakees kws luj sab heev tej xeebntxwv. (Lub nroog Henploos luas tub xub ua xyaa xyoo ua ntej maam le ua lub nroog Xau-as nraag tebchaws Iziv.)

²³Puab lug txug huv lub Haav Esekaus, puab txav tau ib cov ceg txiv maab kws txi txiv ncw heev hab nyaav kawg le, puab muab paas ntxig rua txaus ob tug txivneej kwv lug. Hab puab tseem dle tau txiv ntsab pobkws hab txiv ncuav pas nqaa lug huv tuabsi.

²⁴(Puab txhaj tis npe rua qhov chaw ntawd hu ua lub Haav Esekaus, rua qhov cov Yixalayees txav tau txiv maab ncw heev qhov ntawd lug.)

²⁵Tom qaab kws moog soj tebchaws tau plaub caug nub lawm, cov moog soj tebchaws maam rov lug txug.

²⁶Puab lug cuag Mauxes, Aloos hab cov pejxeem Yixalayees ntawm Kades huv lub taj mojsaab qhua Palaas. Puab pav tej kws puab tau moog pum, hab muab tej txiv maab kws puab dle tau lug rua cov pejxeem suavdlawg saib.

²⁷Puab has rua Mauxes has tas, “Peb tau moog soj lub tebchaws kws koj khaiv peb moog. Lub tebchaws ntawd aav rog hab zoo qoob heev; hab tej txiv maab nuav yog dle huv lub tebchaws ntawd lug ntaag.

²⁸Tabsis cov tuabneeg kws nyob tim muaj zug heev, puab tej nroog luj dlaav hab muaj ntsaa yeej thaiv zoo heev. Hab peb tseem pum cov tuabneeg kws luj sab cov xeebntxwv nyob tim huv tuabsi.

²⁹Cov Amalej nyob yaav qaabteb, cov Hitis, cov Yenpus hab cov Amaules nyob peg tej roob, cov Kana-aas nyob lawv ntug havtxwv Meditelanees hab nyob lawv tug dlej Yauladees.”

³⁰Kalej txwv cov pejxeem kws pheej ywg, Mauxes kuas puab nyob tuabywv, hab nwg has tas, “Peb ca le moog txeeb kuas tau lub tebchaws ntawd; peb yeej muaj zug txaus kws yuav tua yeej lub tebchaws ntawd xwb.”

³¹Tabsis cov tuabneeg kws nrug Kalej moog soj lub tebchaws has tas, “Peb tseem tsi tau muaj zug txaus yuav moog tua yeej puab; cov tuabneeg kws nyob tim muaj zug tshaaj peb.”

³²Yog le ntawd puab txhaj muab tej lug dlaag nthuav qha rua cov Yixalayees has txug lub tebchaws kws puab moog soj lug ntawd. Puab has tas, “Lub tebchaws ntawd ua qoob tub tsi txaus cov tuabneeg kws nyob huv noj. Cov tuabneeg kws peb moog pum puavleej yog cov tuabneeg kws luj sab heev xwb,

³³dlua le ntawd, peb tseem pum Anaj cov xeebntxwv kws luj hab sab tshaaj plawg nyob huv lub tebchaws ntawd hab. Peb saib peb rua puab, mas peb miv heev zoo le cov nyuas kooj xwb, yuav ua le caag muab peb pev tau rua puab.”