Read Hmong Njua Teev Npe 26 Bible Online

Teev Npe 26 - Hmong Njua bible

Teev Npe 26

¹Tom qaab kws tej vijsub vijsw ntawd dlhau lawm, tug TSWV has rua Mauxes hab Aloos tug tub Ele-axas kws yog tug povthawj has tas,

²“Meb ca le sau cov Yixalayees txhua tsev tuabneeg npe, suav taagnrho cov txivneej kws noobnyoog neeg nkaum xyoo rov sau kws ua taug tubrog.”

³Mauxes hab Ele-axas obtug ua lawv le tug TSWV has, obtug txhaj hu taagnrho cov txivneej kws muaj noobnyoog le ntawd tuaj sis sau rua huv lub taj Mau-am ntawm ntug Dlej Yauladees kws nyob ncaaj lub nroog Yelikaus. Cov nuav yog cov Yixalayees kws tawm nraag tebchaws Iziv lug:

⁴

⁵Xeem Lunpees (Lunpees yog Yakhauj tug tub hlub): yog cuab Hanauj, Palus,

⁶Hexeloos hab Kalemis.

⁷Suav taagnrho puab tej cuab kwvtij nuav cov txivneej muaj plaub caug peb txheeb xyaa pua peb caug leej.

⁸Palus tug tub yog Ele-as;

⁹hab Ele-as cov tub yog Nemuyees, Dathaas hab Anpilaas. (Cov pejxeem xaiv Dathaas hab Anpilaas ua puab ob tug thawjcoj. Obtug tawv nyom Mauxes hab Aloos, hab moog koom nrug Kaulas ntxeev sab tawmtsaam tug TSWV.

¹⁰Ces aav ca le qheb hlo hab nqog obtug lawm, mas obtug txhaj tuag nrug Kaulas hab nwg cov phoojywg thaus kws suavtawg poob lug kub ob puas tsib caug leej txivneej tuag taag ntawd lawm; qhov ntawd txhaj ua ib qhov qha rua cov pejxeem suavdlawg.

¹¹Tabsis Kaulas cov tub tsi raug tua tuag ib tug le.)

¹²Xeem Xime-oos: yog cuab Nemuyees, cuab Yamees, cuab Yakhees,

¹³cuab Zelas hab cuab Sa-ules.

¹⁴Suav taagnrho puab tej cuab kwvtij nuav cov txivneej muaj neeg nkaum ob txheeb ob puas leej.

¹⁵Xeem Khas: yog cuab Xefoos, cuab Hankis, cuab Sunis,

¹⁶cuab Auxenis, cuab Elis,

¹⁷Alaudis hab Alelis.

¹⁸Suav taagnrho puab tej cuab kwvtij nuav cov txivneej muaj plaub caug txheeb tsib puas leej.

¹⁹Xeem Yudas: yog cuab Selas, cuab Peles cuab Zelas, cuab Hexeloos hab cuab Hamules. (Yudas ob tug tub kws hu ua Eles hab Aunas puavleej tuag rua tom tebchaws Kana-aas lawm.)

²⁰

²¹

²²Suav taagnrho puab tej cuab kwvtij nuav cov txivneej muaj xyaa caum rau txheeb tsib puas leej.

²³Xeem Ixakhas: yog cuab Taulas, cuab Puahas,

²⁴cuab Yasus hab cuab Siloos.

²⁵Suav taagnrho puab tej cuab kwvtij nuav cov txivneej muaj rau caum plaub txheeb peb puas leej.

²⁶Xeem Xenpuloos: yog cuab Xeles, cuab Eloos hab cuab Yahelees.

²⁷Suav taagnrho puab tej cuab kwvtij nuav cov txivneej muaj rau caum txheeb tsib puas leej.

²⁸Yauxej muaj ob tug tub, Manaxes hab Efalayees obtug ncau moog ua ob xeem.

²⁹Xeem Manaxes. Manaxes tug tub Makiles yog Nkile-as txiv, hab Nkile-as yog puab tej cuab kwvtij nraag nuav tug yawmkoob:

³⁰Ixes, Heles,

³¹Aliyees, Sekees,

³²Semidas hab Hefeles.

³³Hefeles tug tub Xelaufehas tsi muaj ib tug tub le, nwg muaj tsib tug ntxhais xwb; puab cov npe hu ua Malas, Nau-es, Haunkelas, Milekas hab Tilexas.

³⁴Suav taagnrho puab tej cuab vivncaug nuav cov txivneej muaj tsib caug ob txheeb xyaa pua leej.

³⁵Xeem Efalayees: yog cuab Suthelas, cuab Npekeles hab cuab Tahaas.

³⁶Cuab Elaas yog Suthelas caajceg.

³⁷Suav taagnrho puab tej cuab kwvtij nuav cov txivneej muaj peb caug ob txheeb tsib puas leej. Taagnrho tej cuab kwvtij kws has lug nuav puavleej yog Yauxej caajceg.

³⁸Xeem Npeenyamees: yog cuab Npelas, cuab Asenpes, cuab Ahilaas,

³⁹cuab Sefufas hab cuab Hufas.

⁴⁰Cuab Ales hab cuab Na-amaas yog Npelas caajceg.

⁴¹Suav taagnrho puab tej cuab kwvtij nuav cov txivneej muaj plaub caug tsib txheeb rau pua leej.

⁴²Xeem Daas: yog cuab Husees,

⁴³suav taagnrho cuab kwvtij nuav cov txivneej muaj rau caum plaub txheeb plaub puas leej.

⁴⁴Xeem Aseles: yog cuab Imenas, cuab Esavis hab cuab Npeliyas.

⁴⁵Cuab Henpeles hab cuab Makhiyees, yog Npeliyas caajceg.

⁴⁶Aseles muaj ib tug ntxhais xwb, nwg lub npe hu ua Xelas.

⁴⁷Suav taagnrho puab tej cuab kwvtij nuav cov txivneej muaj tsib caug peb txheeb plaub puas leej.

⁴⁸Xeem Nathalis: yog cuab Yaxees, cuab Nkunis,

⁴⁹cuab Yexes hab cuab Silees.

⁵⁰Suav taagnrho puab tej cuab kwvtij nuav cov txivneej muaj plaub caug tsib txheeb tsib puas leej.

⁵¹Suav taagnrho tsaav tuabneeg Yixalayees cov txivneej muaj rau pua ib txheeb xyaa pua peb caug leej.

⁵²Tug TSWV has rua Mauxes has tas,

⁵³“Koj ca le muab lub tebchaws nuav faib rua tej xeem lawv le tej xeem ntawd muaj tuabneeg coob hab tsawg.

⁵⁴Muab lub tebchaws nuav rhu ntawv faib, muab thaaj aav dlaav rua tej xeem kws muaj tuabneeg coob nyob hab muab thaaj aav nqaim rua tej xeem kws muaj tuabneeg tsawg nyob.”

⁵⁵

⁵⁶

⁵⁷Xeem Levis sau npe lawv le cuab Nkesoos, Kauhas, hab Melalis.

⁵⁸Suav taagnrho puab cov xeebntxwv muaj lawv le nuav: cuab Linpenis, cuab Henploos, cuab Mahalis, cuab Musis hab cuab Kaulas. Kauhas yog Alamas txiv,

⁵⁹nwg yuav Levis tug ntxhais Yaukhenpes kws yug nraag tebchaws Iziv ua quaspuj. Yaukhenpes txhaj yug tau ob tug tub rua Alamas: ob tug tub ntawd yog Aloos hab Mauxes, hab yug tau ib tug ntxhais hu ua Milias.

⁶⁰Aloos muaj plaub tug tub, Nadas, Anpihus, Ele-axas hab Ithamas.

⁶¹Nadas hab Anpihus obtug tuag thaus obtug muab cov ncaig tawg kws tsi dlawbhuv hlawv khoom fij rua tug TSWV lawm.

⁶²Cov Levis tej txivneej kws noobnyoog ib hlis rov sau muaj neeg nkaum peb txheeb leej. Cov Levis tsi sau npe nrug cov Yixalayees, vim puab tsi muaj feem tau lub tebchaws Yixalayees lug ua puab tug.

⁶³Taagnrho tej cuab Yixalayees nuav puavleej yog Mauxes hab cuab Ele-axas ua ob tug kws sau puab tej npe nyob huv lub taj Mau-am ntawm ntug Dlej Yauladees kws nyob ncaaj lub nroog Yelikaus saab tid.

⁶⁴Cov tuabneeg kws Mauxes hab Aloos obtug sau npe thawj zag nraag taj Suabpuam Xinais yeej tsi tshuav ib tug seem le lawm.

⁶⁵Tug TSWV has tas, taagnrho puab cov ntawd yuav tuag taag rua huv taj suabpuam, tsuas tshuav Yefunes tug tub Kalej hab Noos tug tub Yausuas nkaus xwb txhaj tsi tuag.